Вайтовіч Ніна Трафімаўна нарадзілася 10 ліпеня 1913 года ў г. Дрыса (зараз г. Верхнядзвінск) у сям'і настаўніка.

Беларускі мовазнаўца. Доктар філалагічных навук (1967). Лаўрэат Дзяржаўнай прэміі СССР.

У 1937 годзе скончыла Мінскі педагагічны інстытут, дзе ў 1948–1956 гг. загадвала кафедрай беларускай мовы. З 1956 года – у Інстытуце мовазнаўства НАН Беларусі. Займалася дыялекталогіяй і гісторыяй беларускай мовы.

Аўтар падручніка для 6-га класа «Родная літаратура» (1–16 выд., 1945–1960), сааўтар прац «Дыялекталагічны атлас беларускай мовы» (1963), «Нарысы па беларускай дыялекталогіі» (1964) і іншых.

Памерла Ніна Трафімаўна 4 сакавіка 1976 года ў Мінску.

ЛІТАРАТУРА

1. Войтович Нина Трофимовна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 270.

2. Добач, С. Г. Ніна Трафімаўна Вайтовіч / С. Г. Добач // Беларуская лінгвістыка : зборнік артыкулаў /рэдкал.: М. Р. Суднік [і інш.]. – Мінск : Навука і тэхніка, 1972. – Вып. 3. – С. 70–71.

3. Крыўко, М. Усе сілы аддавала справе развіцця айчыннай лінгвістыкі / М. Крыўко // Настаўніцкая газета. – 2013. – 29 жн. – С. 16.

4. Міхайлаў, П. Нястомны даследчык роднай мовы / П. Міхайлаў, Н. Цяслюк // Роднае слова. – 2013. – № 7. – С. 31–34.

5. Міхайлаў, П. Свой след у навуцы / П. Міхайлаў // Роднае слова. – 2003. – № 7. – С. 44.

6. Михайлов, П. А. Войтович Нина Трофимовна / П. А. Михайлов // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 2 : А–Герань. – С. 771.