Вейцэр Ізраіль Якаўлевіч нарадзіўся ў 1889 годзе ў мястэчку Друя Віленскай губерні Дзісенскага павета (зараз Браслаўскі раён) у яўрэйскай сям'і, вядомы грамадскі і палітычны дзеяч. Народны Камісар унутранага гандлю СССР у 1934–1937 гг.

Першапачатковую адукацыю атрымаў у рэальным вучылішчы. Навучаўся ў Казанскім універсітэце і Пецярбургскім політэхнічным інстытуце. У ВКП(б) уступіў у 1916 годзе. Пасля кастрычніцкіх падзей 1917 года накіраваны на адказныя дзяржаўныя пасады – старшыні губернскага выканкама ў г. Вятка, пазней – першага сакратара Тульскага губкама партыі.

У 1934 годзе ўзначаліў наркамат унутранага гандлю. Працаваў на гэтай пасадзе крыху болей за тры гады. Неабгрунтавана рэпрэсіраваны ў чэрвені 1937 года. Загінуў у турме 5 мая 1938 года.

ЛІТАРАТУРА

1. Вейцэр Ізраіль Якаўлевіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 59.

2. Вейцэр Ізраіль Якаўлевіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 36.

3. Вейцэр Ізраіль Якаўлевіч // Памяць: Браслаўскі раён : гісторыка-дакументальныя хронікі гарадоў і раёнаў Беларусі / рэдкал.: К. В. Велічковіч [і інш.] ; уклад. К. С. Шыдлоўскі ; мастак Э. Э. Жакевіч. – Мінск : Паліграфафармленне, 1998. – С. 597.