Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Велікоўскі Імануіл Шыманавіч

Дата нараджэння
12.06.1895
Месца нараджэння
Віцебская губерня, г. Віцебск
Дата смерці
17.11.1979
Род дзейнасці
вучоны, урач, пісьменнік
Спецыялізацыя
гісторыя, псіхалогія, фізіка, астраномія
Навуковая ступень
доктар медыцыны (1921)

Велікоўскі Імануіл Шыманавіч нарадзіўся 12 чэрвеня 1895 года ў Віцебску ў сям'і камерсанта. Вучоны, урач, пісьменнік.

У 1900 годзе сям'я Велікоўскіх пераехала ў Маскву. У 1912 годзе хлопчык з залатым медалём скончыў 9-ю Імператарскую гімназію. У жніўні таго ж года семнаццацігадовы Імануіл прыехаў у Францыю і паступіў на медыцынскі факультэт універсітэта. Восенню 1914 года Імануіл Велікоўскі быў залічаны студэнтам Вольнага ўніверсітэта ў Маскве. Два семестры ён быў слухачом курса юрыспрудэнцыі, гісторыі і эканомікі. Восенню 1915 года І. Ш. Велікоўскі пачаў вучыцца на медыцынскім факультэце Эдынбургскага ўніверсітэта (Англія). Скончыўшы першы курс, ён паехаў на летнія канікулы да бацькоў у Маскву. Працягнуць вучобу ў Эдынбургу яму ўжо не ўдалося. Пачалася Першая сусветная вайна. Але ў гэтым жа годзе Імануіл Велікоўскі паступіў на 2-і курс медыцынскага факультэта Маскоўскага ўніверсітэта, працягваючы гуманітарную адукацыю ў Вольным ўніверсітэце.

Незадоўга да Лютаўскай рэвалюцыі 1917 года І. Велікоўскі пад псеўданімам Імануэль Раміо выпусціў брашуру «Третий исход», асноўная ідэя якой – вяртанне яўрэяў на зямлю Ізраіля. Летам 1921 года Велікоўскі скончыў універсітэт і атрымаў дыплом урача. Вясной 1922 года ён, атрымаўшы дазвол на выезд за мяжу, разам з бацькамі пакінуў Расію. У 1931 годзе сям'я Велікоўскіх пераехала ў Тэль-Авіў, дзе Імануіл пачаў працаваць псіхатэрапеўтам. У 1939 годзе – у ЗША, дзе і жыў да смерці.

Выйшлі яго кнігі – «Міры ў сутыкненнях», «Стагоддзі ў хаосе», «Зямля ў пераваротах», «Народы мора» і інш.

Памёр Імануіл Шыманавіч 17 лістапада 1979 года.

Некаторыя кнігі толькі пасля смерці І. Ш. Велікоўскага былі надрукаваны – «Чалавецтва ў амнезіі», «Астролагі і трунакапальнікі». Ненадрукаванымі засталіся яшчэ чатыры: «Час Ісаі і Гамера», «Сатурн і Патоп», «Юпіцер», «Арбіта».

ЛІТАРАТУРА

1. Алюнин, Г. Огненные миры Великовского / Г. Алюнин // Народнае слова. – 2010. – 5 жн. – С. 15.

2. Берхифанд, Н. Гений из Витебска / Н. Берхифанд // Белорусская деловая газета. – 2002. – 21 марта. – С. 12.

3. Велікоўскі Імануіл Шымонавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 60.

4. Велікоўскі Імануіл Шымонавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 36–37.

5. Лескова, Н. Миры в столкновении / Н. Лескова // Звязда. – 2004. – 23 снеж. – С. 12.

 

СПАСЫЛКІ

arrow Иммануил Великовский : рассказ о замечательном человеке

arrow Неизвестный Иммануил Великовский

arrow Апокалипсис Иммануила (Как создавались «Миры» Великовского)