Вінаградаў Віктар Ніканавіч
Вінаградаў Віктар Ніканавіч нарадзіўся 3 лістапада 1933 года ў в. Замасточча Гарадоцкага раёна, педагог, спецыяліст у галіне начартальнай геаметрыі і тэхнічнай графікі. Доктар педагагічных навук, прафесар, акадэмік Міжнароднай акадэміі інфармацыйных працэсаў і тэхналогій (1994), член-карэспандэнт Беларускай акадэміі адукацыі (1995).
У 1952 годзе працаваў настаўнікам чарчэння і малявання ў сярэдняй школе № 25 г. Віцебска. Паралельна вучыўся ў Віцебскім мастацка-графічным вучылішчы, якое скончыў у 1953 годзе. У 1957 годзе скончыў Полацкі педагагічны інстытут. З 1957 года пачаў працаваць у Віцебскім педагагічным інстытуце імя С. М. Кірава: асістэнт, старшы выкладчык, загадчык кафедры начартальнай геаметрыі і чарчэння. У 1969–1978 гг – прарэктар па вучэбнай і навуковай працы, у 1978–1997 гг. – рэктар гэтай навучальнай установы. З 1997 года – прафесар кафедры начартальнай геаметрыі Віцебскага дзяржаўнага ўніверсітэта імя П. М. Машэрава.
Аўтар шэрагу навуковых прац па методыцы выкладання начартальнай геаметрыі і чарчэння ў ВНУ і сярэдняй школе. Адзін з аўтараў і рэдактараў падручніка «Чарчэнне ў сярэдняй школе» (1969, неаднаразова перавыдаваўся, перакладзены на 20 моў), аўтар курса для педінстытутаў «Начартальная геаметрыя» (1997), адзін з аўтараў «Методыкі навучання чарчэнню» (1990), «Слоўніка-даведніка па чарчэнні» (1993) і інш.
Узнагароджаны ордэнамі «Знак Пашаны», Кастрычніцкай Рэвалюцыі, ордэнам Францыска Скарыны, медалямі, граматамі Вярхоўнага Савета БССР (1967. 1968, 1983), знакам «Выдатнік асветы СССР» (1983). У 2003 годзе Віктар Ніканавіч быў узнагароджаны Міжнароднай прэміяй свету Аб'яднанай культурнай канвенцыі ЗША.
ЛІТАРАТУРА
1. Віктар Ніканавіч Вінаградаў : бібліяграфічны паказальнік / [склад. Т. П. Трапачук, Н. М. Яначкина]. – Віцебск, 1992. – 58 с.
2. Віктар Ніканавіч Вінаградаў // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 711.
3. Виктор Никонович Виноградов : биобиблиографический справочник / сост. Л. В. Потапова [и др.]. – 2-е изд., доп. и перераб. – Витебск : Витебский государственый университет, 2007. – 60 с.
4. Виноградов Виктор Никонович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 144.
5. Захараў, А. Людзі, якімі ганарымся / А. Захараў // Гарадоцкі веснік. – 2013. – 12 лют. – С. 1.
6. Калішук, Н. В. Вінаградаў Віктар Ніканавіч / Н. В. Калішук // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1997. – Т. 4 : Варанецкі–Гальфстрым. – С. 181.
7. Карнялюк, К. Родам з вёскі Замасточча / К. Карнялюк // Гарадоцкі веснік. – 2017. – 21 лют. – С. 4.
8. Трушчанка, Л. Юбілей прафесара Вінаградава / Л. Трушчанка // Витебские вести. – 2013. – 12 нояб. – С. 3.
9. Чечет, В. В. Виноградов Виктор Никонович / В. В. Чечет // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 676.
10. Шкирандо, Ф. Геометрия жизни профессора Виноградова / Ф. Шкирандо // Витебские вести. – 2018. – 3 нояб. – С. 15.
11. Шлейко, Л. Автор учебника, профессор, художник... / Л. Шлейко // Гарадоцкі веснік. – 2018. – 3 крас. – С. 5.
СПАСЫЛКІ
