Захарчэня Барыс Пятровіч нарадзіўся 1 мая 1928 года ў Оршы ў сям'і ваеннага інжынера. Расійскі фізік. Акадэмік Расійскай Акадэміі Навук.

У 1932 годзе сям'я пераехала ў Ленінград, дзе ён скончыў сярэднюю школу. У 1952 годзе скончыў фізічны факультэт Ленінградскага дзяржаўнага універсітэта. З 1952 года працаваў у Фізіка-тэхнічным інстытуце імя А. Ф. Іофе АН СССР.

У Фізіка-тэхнічным інстытуце працаваў лабарантам, малодшым навуковым супрацоўнікам, загадчыкам лабараторыі, дырэктарам аддзялення фізікі цвёрдага цела ФТІ імя А. Ф. Іофе.

У 1966 годзе абараніў доктарскую дысертацыю на тэму «Магнітааптычныя з'явы ў крышталях» . З 1972 года выкладаў у Ленінградскім электратэхнічным інстытуце. 23 снежня 1976 года быў абраны членам-карэспандэнтам Акадэміі навук СССР. 11 чэрвеня 1992 года быў абраны акадэмікам РАН па спецыяльнасці «фізіка». Член Міжнароднага саюза чыстай і прыкладной фізікі (IUPAP), член Амерыканскага фізічнага таварыства.

Навуковыя працы прысвечаны оптыцы, спектраскапіі і магнітаоптыцы паўправаднікоў, оптаэлектроніцы.

З 1988 года Б. П. Захарченя быў галоўным рэдактарам часопіса «Фізіка цвёрдага цела».

Памёр 10 красавіка 2005 года ў Санкт-Пецярбургу.

ЛІТАРАТУРА

1. Болсун, А. Белорусские имена в науке / А. Болсун // Изобретатель. – 2015. – № 11. – С. 46–48.

2. Захарчэня Барыс Пятровіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 75.

3. Захарчэня Барыс Пятровіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 423.

4. Королев, Г. Где-то в далях космических... / Г. Королев // Віцебскі рабочы. – 2002. – 1 студз. – С. 2.

5. Лютынскі, В. Імем ураджэнца Оршы названа малая планета / В. Лютынскі // Аршанская газета. – 2001. – 5 чэрв. – С. 2

6. Лютынский, В. Именем уроженца Орши названа малая планета / В. Лютынский // Телеком-экспресс (Орша). – 2008. – 1 мая. – С. 5.

7. Лютынский, В. Планета Бориса Захарчени / В. Лютынский // Народнае слова. – 2008. – 30 верас. – С. 6.

8. Позойский, С. В. Ученые-физики – уроженцы Витебщины / С. В. Позойский // Фiзiка: праблемы выкладання. – 2006. – № 1. – С. 25–26.