Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Жабіцкі Генадзь Мікалаевіч

Дата нараджэння
22.05.1933
Месца нараджэння
Віцебская вобласць, Сенненскі раён, в. Барок
Дата смерці
21.04.2001
Род дзейнасці
дзяржаўны дзеяч
Воінскае званне
генерал-лейтэнант
Узнагароды і прэміі
ордэн Працоўнага Чырвонага Сцяга
нагрудны знак «Заслужаны работнік МУС»

Жабіцкі Генадзь Мікалаевіч нарадзіўся 22 мая 1933 года ў в. Барок Сенненскага раёна ў сялянскай сям'і. Дзяржаўны дзеяч Беларусі.

У 1955 годзе скончыў Беларускі дзяржаўны ўніверсітэт імя Леніна. У 1955–1959 гг. – на камсамольскай рабоце ў Магілёўскай вобласці. У 1957–1958 гг. – сакратар Быхаўскага райкама ЛКСМБ. З 12 красавіка 1958 года – сакратар і загадчык аддзела прапаганды і агітацыі Магілёўскага абкама ЛКСМБ.

У 1959–1964 гг. – сакратар, другі сакратар, першы сакратар ЦК ЛКСМБ. У 1970–1976 гг. – загадчык аддзела адміністрацыйных органаў у апараце ЦК КПБ. У 1966–1984 гг. – член ЦК КПБ.

У 1976–1978 гг. – першы намеснік міністра, у 1978–1984 гг. – міністр унутраных спраў БССР. Прысвоена званне – генерал-лейтэнант.

У 1966–1970 гг. – дэпутат Вярхоўнага Савета СССР сёмага склікання, Вярхоўнага Савета БССР некалькіх скліканняў.

Аўтар кніг «Камсамол і моладзь Беларусі ў барацьбе за датэрміновае выкананне семігодкі: матэрыял у дапамогу лектару» (1960), «Юнацтва крочыць у камунізм» (1970).

Узнагароджаны нагрудным знакам «Заслужаны работнік МУС», ордэнам Працоўнага Чырвонага Сцяга, медалямі.

Памёр 21 красавіка 2001 года.

 

ЛІТАРАТУРА

1. Жабіцкі Генадзь Мікалаевіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 52–53.

2. Жабіцкі Генадзь Мікалаевіч // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 543.