Тэатр народны мініяцюр «Балаган». Лепельскі раён, г. Лепель

Подробности

Створана 14.05.2019 12:23

Адноўлена 14.05.2019 09:25

У 1989 годзе ў Лепельскім раённым Доме культуры пачаў дзейнічаць драматычна-гумарыстычны гурток «Балаган».

Асноўная мэта дзейнасці – папулярызацыя тэатральнага мастацтва.

Першая эстрадная праграма прагучала на першакрасавіцкім свяце смеху і жартаў пад назвай «Банна-рэстаранная быль». Спачатку мініяцюры для выступленняў удзельнікі прыдумвалі самі («У рэстаране», «У лазню», «Акрабатычны эцюд»). Потым калектыў звярнуўся да літаратурных твораў вядомых аўтараў. У рэпертуары з'явіліся мініяцюры М. Жванецкага, С. Альтава і інш.

Штогод па традыцыі 1 красавіка ўдзельнікі «Балагана» выступаюць перад гледачамі горада і раёна і з'яўляюцца там самым жаданымі гасцямі.

На абласным аглядзе-конкурсе культарганізатараў калектыў быў узнагароджаны прызам за лепшае ўтрыманне публікі.

Састаў калектыву неаднаразова змяняўся, але ў 1991 годзе творчую групу саставілі аднадумцы-культработнікі.

1993 год быў асабліва плённым для яго ўдзельнікаў. Калектыў стаў лаўрэатам рэспубліканскага фестывалю гумару і сатыры «Канвеер смеху-93», які праходзіў у Оршы, пераможцам сярод дэбютантаў на рэспубліканскім фестывалі «Кірмаш гумару» ў Мінску.

У 1993 годзе прысвоена званне – «народны аматарскі калектыў».

Мастацкія кіраўнікі: Сяргей Кухто, Яўгеній Ясюкевіч, Таццяна Невядомская.

У рэпертуары мініяцюры «Салодкая парачка», «Экзамен па рускай літаратуры», «Малады спецыяліст», «Экскурсія», «Свісток», «Рэпетыцыя», «Гума», «Мухі», «Касцюм», «Лёша», «Дзеці», «Дзяцінства», «Мужчынская размова», «Ля-ля-фа», гумарыстычныя праграмы «Вялікае мыццё», «На чатыры кулакі...» і іншыя.

Калектыў удзельнічае ў абласным свяце народнага гумару «Смяяцца не грэх», які праходзіць у Шуміліна.

ЛІТАРАТУРА

1. Барадзейка, Л. Бальзамiнаў хутка жэнiцца ў пятнаццаты раз / Л. Барадзейка // Лепельскі край. – 2000. – 24 сак. – С. 2.

2. Драматычна-гумарыстычны гурток «Балаган» // Памяць: Лепельскі раён : гісторыка-дакументальныя хронікі гарадоў і раёнаў Беларусі / рэдкал.: В. Я. Ланікіна [і інш.] ; уклад.: В. Я. Ланікіна, А. У. Стэльмах ; мастак Э. Э. Жакевіч. – Мінск : Беларусь, 1999. – С. 592.

3. Лепельскі народны тэатр мініяцюр «Балаган» // Культура Беларусі : энцыклапедыя : [у 6 т.] / рэдкал.: В. В. Калістратава [і інш.]. – Мінск : БелЭн імя П. Броўкі, 2014. – Т. 5 : Л–М. – С. 60–61.

4. Мартинович, Е. Юмор всегда нужен людям / Е. Мартинович // Лепельскі край. – 2018. – 28 жн. – С. 5.