Ансамбль узорны народнай музыкі «Таўкачыкі». Полацкі раён, г. Полацк

Подробности

Створана 27.06.2019 12:23

Адноўлена 27.06.2019 14:53

Узорны ансамбль народнай музыкі «Таўкачыкі» быў створаны ў 1989 годзе пры Полацкай дзіцячай школе мастацтваў. 3 1995 года ансамбль мае званне ўзорнага, а ў 2001 годзе пацвердзіў яго.

Калектыў фарміруе свой рэпертуар на аснове традыцыйнай народнай музычна-інструментальнай спадчыны Полаччыны, умела спалучаючы з гэтым спевы і харэаграфію.

Кіраўнікамі ансамбля былі: П. А. Казлоў (з 1989), А. М. Малахоўская і І. А. Гальцова (з 1996), І. А. Гальцова і С. Я. Захараў (з 1999), П. А. Казлоў і І. А. Гальцова (з 2001).

Ансамбль заўсёды ўдзельнічае ў шматлікіх фестывалях і конкурсах. З'яўляецца лаўрэатам міжнароднага конкурсу «Зямля пад белымі крыламі» (Мазыр, 2000), «Звіняць цымбалы і гармонік» (Паставы), рэспубліканскага фестывалю «Усе мы родам з дзяцінства» (2000). Калектыў выязджаў на гастролі ў Балгарыю, у 1994, 1995 і 1997 гг. прымаў удзел у міжнародным свяце «Азёрны заяц» у г. Фрыдрыхсхафен (Германія).

ЛІТАРАТУРА

1. Гурчанка, А. І. Узорны ансамбль народнай музыкі «Таўкачыкі» дзіцячай школы мастацтваў / А. І. Гурчанка // Беларускі фальклор : энцыклапедыя : у 2 т. / рэдкал.: Г. П. Пашкоў [і інш.]. – Мінск : БелЭн, 2006. – Т. 2 : Л–Я. – С. 354.

2. Казлоў, П. Заляцелі «Таўкачыкі» у Піцер / П. Казлоў, А. Махава ; гутарыла А. Палынская // Полацкі веснік. – 2002. – 21 мая. – С. 4.

3. Каленік, А. «Таўкачыкі» / А. Каленік // Полацкi веснік. – 2003. – 10 кастр. – С. 1–2.