Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Калектыў народны архаічных спеваў «Княжыч». Полацкі раён, г. Наваполацк

Фальклорны народны гурт архаічных спеваў «Княжыч» адносіцца да Цэнтра рамёстваў і традыцыйнай культуры г. Наваполацка.

Гурт архаічных спеваў «Княжыч» – адзін з першых маладзёжных фальклорных калектываў вобласці, які на навуковай аснове займаецца вывучэннем аўтэнтычнай культуры Віцебшчыны. Практычны фальклорны матэрыял збіраецца ў час фальклорных экспедыцый, якія сістэматычна праводзяцца па розных рэгіёнах Беларусі. Грунтоўны фальклорны архіў дазваляе ствараць разнастайныя па змесце праграмы.

Дзейнасць гурта мае абрадавую накіраванасць. Купалле, Каляды і іншыя абрады каляндарнага цыклу праводзяцца ў натуральных прыродных і побытавых умовах, што дазваляе ствараць сучасныя мадэлі язычніцкага свята.

«Княжыч» з'яўляецца свайго роду творчай лабараторыяй, у якой распрацоўваюцца актуальныя фальклорныя праекты як практычнага характару (вечарыны, абрадавыя святы, канцэрты, творчыя імпрэзы, экспедыцыі і інш.), так і тэарэтычнага: семінары, канферэнцыі, этнаграфічныя пасяджэні, лекцыі і інш.

На працягу многіх гадоў гурт «Княжыч» – вядучы калектыў у ажыццяўленні фальклорнага праекта Віцебскага АНМЦ НТ і КАР «Купалле Паазер'я», які распрацоўваўся з улікам вопыту правядзення купальскага абраду менавіта маладзёжным гуртом з Наваполацка. Удзельнікі калектыву аказваюць значную метадычную дапамогу абласным, раённым і сельскім установам культуры па арганізацыі і правядзенні абрадавых святаў і абрадаў.

Калектыў – актыўны ўдзельнік шматлікіх абласных і рэспубліканскіх мерапрыемстваў. Неаднаразова ўзнагароджваўся дыпломамі лаўрэата фестываляў абрадавага фальклору «Купалле Паазер'я» (2003, 2004, 2005). Ён лаўрэат абласнога фестывалю фальклорнага мастацтва «Ад прашчураў да зор», што праходзіў у рамках II Усебеларускага фестывалю народнага мастацтва «Беларусь – мая песня». Мае рэкламную інфармацыю, друкаваныя, фота і відэаматэрыялы пра сваю дзейнасць.

 

ЛІТАРАТУРА

1. Кернажыцкая, Л. Вопыт і праблемы захавання аўтэнтычнага фальклору ў дзейнасці фальклорных калектываў Віцебшчыны / Л. Кернажыцкая // Народная культура Віцебшчыны : матэрыялы навукова-практычнай канферэнцыі / рэдкал.: Л. Вакар [і інш.]. – Віцебск : УА «ВДУ імя П. М. Машэрава», 2007. – С. 177–194.

2. Козiк, А. Звон мячоў пад гукi дуды / А. Козік // Витебский курьер. – 1997. – 15 окт. – С. 3.

3. Козiк, А. «Княжычам» год / А. Козік // Витебский курьер. – 1996. – 15 нояб. – С. 8.

4. Козік, А. Вучаць вёску калядаваць / А. Козік // Витебский курьер. – 2005. – 14 янв. – С. 3.

5. Малашэня, Л. Ехала Каляда з-пад Полацка / Л. Малашэня // Народнае слова. – 2008. – 17 студз. – С. 9.

6. Малашэня, Л. «Княжыч» збiрае сяброў / Л. Малашэня // Народнае слова. – 1996. – 16 мая. – С. 5.

7. Радзько, Н. Месяц, які расце / Н. Радзько // Новая газета (Наваполацк). – 2015. – 27 нояб. – С. 13.