Экамол Агра, ЗАТ. Аршанскі раён

Подробности

Створана 04.10.2017 12:23

Адноўлена 28.02.2019 08:42

У адпаведнасці з Пастановай Савета Міністраў СССР № 1655-р ад 18 жніўня 1980 г. у Аршанскім раёне Віцебскай вобласці было распачата будаўніцтва Задняпроўскага эксперыментальнага завода па вытворчасці спецкамбікормаў і рэгенерыраванага малака акцыянернага таварыства «Аграплемсаюз». Завод быў уведзены ў эксплуатацыю ў 1983 годзе.

Адкрытае акцыянернае таварыства «Экамол» было створана ў 1993 годзе на базе Задняпроўскага эксперыментальнага завода па вытворчасці спецкамбікормаў, з 2007 года ўваходзіць у склад групы кампаній «Сервалюкс».

Сёння камбікормавы завод «Экамол Агра» – найбуйнейшае прадпрыемства Аршанскага раёна Віцебскай вобласці. Прадукцыя завода запатрабавана і высока ацэньваецца не толькі ў межах сваёй адміністрацыйнай адзінкі, але і па ўсёй рэспубліцы.

Асноўнымі відамі вырабляемай заводам прадукцыі з'яўляюцца камбікормы, прэміксы, БВМД і зерневыя шматкі.

Камбікорм прызначаны для кармлення жывёл як на сельскагаспадарчых прадпрыемствах, так і ў якасці корму для хатніх жывёл. Вырабляемыя камбікормы ўключаюць поўны набор ўсіх кампанентаў кармавой сумесі, утрымліваюць усе пажыўныя элементы, неабходныя для паўнавартаснага рацыёну, які забяспечвае высокую якасць прадукцыі.

«Экамол» – першы вытворца прэміксаў для ўсіх відаў сельскагаспадарчых жывёл і птушкі. Спажыўцамі прэміксаў з'яўляюцца камбікормавыя прадпрыемствы сістэмы хлебапрадуктаў і сельскагаспадарчыя прадпрыемствы, якія маюць уласныя камбікормавыя цэхі.

БВМД – аднастайныя сумесі, якія вырабляюцца па навукова абгрунтаваных рэцэптах і выкарыстоўваюцца для падрыхтоўкі камбікормаў. Прызначаныя для пастаўкі сельскагаспадарчым, міжгаспадарчым камбікормавым прадпрыемствам.

Вытворчасць зерневых шматкоў – спецыяльная апрацоўка збожжа злакавых культур для павышэння яго пажыўнай каштоўнасці, мікрабіялагічных паказчыкаў. Шматкі выкарыстоўваюцца ў кармленні маладняку жывёл, для зняцця стрэсаў, пры захворваннях страўнікава-кішачнага тракту.

Прадукцыя ЗАТ «Экамол Агра» адпавядае нацыянальным стандартам якасці. Завершана яго сертыфікацыя. Прадпрыемства штогод удзельнічае ў выставе «Белагра»

Адрас: Віцебская вобласць, Аршанскі раён, Барздоўскі сельскі савет, д. 15.
 

ЛІТАРАТУРА

1. Вяльцев, А. Этапы большого пути / А. Вльцев // Аршанская газета. – 2008. – 20 мая. – С. 3.

2. Дедков, А. С. Пути повышения конкурентоспособности продукции ОАО «Экомол» Оршанского района Витебской области / А. С. Дедков // Студенческая наука и инновационное развитие : материалы 95-й Международной научно-практической конференции студентов и магистрантов «Студенты в науке и практике АПК», (г. Витебск, 20–21 мая 2010 г.) / редкол.: А. И. Ятусевич [и др]. – Витебск : ВГАВМ, 2010. – С. 111.

3. Залесская, С. «Экомол» престижен во всем / С. Залесская // Белорусская нива. – 2012. – 13 июля. – С. 7–8.

4. Ивашкевич, В. «Экомол»: планы заманчивые / В. Ивашкевич // Віцьбічы = Витьбичи. – 2004. – 10 авг. – С. 2.

5. Кавалёва, А. Кармы на ўсе густы / А. Кавалёва // Аршанская газета. – 2002. – 12 лют. – С. 2.

6. Кавунов, П. Первопроходцы / П. Кавунов // Белорусская нива. – 1998. – 26 нояб. – С. 2.

7. Кавунов, П. «Экомол» – марка известная / П. Кавунов // Белорусская нива. – 2003. – 23 авг. – С. 2.

8. Королев, Г. Оршанские эликсиры / Г. Королёв // Вiцебскі рабочы. – 1999. – 13 крас. – С. 2.

9. Лешкевич, Е. Улучшая качество, умножаем количество / Е. Лешкевич // Народная газета. – 2009. – 2 чэрв. – С. 3–4.

10. ОАО «Экомол» – ваш надежный партнер / подгот. Л. Готовская // Аршанская газета. – 2009. – 3 лістап. – С. 2.

11. Право быть первым // Народная газета. – 2008. – 20 верас. – С. 5.