
Да юбілею Ніны Ватацы
- Подробности
- Создано 14.05.2008 13:13
4 мая спаўняецца 100 год з дня нараджэння Ніны Барысаўны Ватацы.
Бадай не знайсці чалавека ў бібліятэчным асяроддзі, які не ведаў бы гэта прозвішча. Заслужаны дзеяч культуры Беларускай ССР, вядомы беларускі бібліёграф і літаратуразнавец, Ніна Барысаўна Ватацы – не толькі складальнік шматлікіх бібліяграфічных даведнікаў і памятак пра творчасць многіх вядомых майстроў мастацкага слова. Больш за дваццаць пяць гадоў прысвяціла яна даследаванню жыццёвага і творчага шляху аднаго з заснавальнікаў нашай сучаснай літаратуры Максіма Багдановіча, пошукам рукапіснай спадчыны паэта, збору матэрыялаў мемарыяльнага характару. Ніна Барысаўна працавала галоўным бібліёграфам аддзела беларускай літаратуры і бібліяграфіі Дзяржаўнай бібліятэкі БССР імя У. І. Леніна, любіла людзей і кнігі.
Памяці калегі прысвечана выстава, разгорнутая ў аддзеле беларускай літаратуры.

































