Школа мастацтваў, ДУА. Талачынскі раён, г. Талачын
- Подробности
- Створана 06.02.2020 08:40
- Адноўлена 30.03.2020 10:07
| Сучасная назва | ДУА «Талачынская дзіцячая школа мастацтваў» |
| Былая назва | Дзіцячая музычная школа |
| Тып | дзяржаўная ўстанова адукацыі |
| Дата заснавання | 1963 |
| Месца знаходжання | Віцебская вобласць, Талачынскі раён, г. Талачын |
У 1963 годзе пачала працаваць дзіцячая музычная школа па вуліцы Энгельса і знаходзілася там да 1974 года. Першым дырэктарам стала Яўгенія Іванаўна Главацкая. Навучанне праводзілася па двух накірунках – баян і фартэпіяна. Заняткі наведвалі 43 вучні.
У 1969 годзе адкрылі курсы школьных баяністаў, у 1972 г. – класы акардэона і скрыпкі, у наступныя гады – класы домбры, балалайкі, цымбал і флейты, трубы, гітары.
У 1993 годзе музычная школа была перайменавана ў Талачынскую дзіцячую школу мастацтваў. У гэтым жа годзе дырэктарам школы стала Людміла Іванаўна Ерашова, якая ўзначальвала педкалектыў на працягу трынаццаці гадоў.
З'явіліся новыя аддзяленні – харэаграфічнае і мастацкае.
Новым дырэктарам стаў Валерый Фёдаравіч Зайцаў, потым Вера Міхайлаўна Варашэнь.
У 2007 годзе пры Славенскай школе дзейнічала мастацкае аддзяленне на 16 месцаў, а ў аг. Друцк – музычнае аддзяленне для вясковых дзяцей.
Пры школе таксама дзейнічаў народны вакальны жаночы ансамбль выкладчыкаў.
Вучні разам з настаўнікамі прымаюць актыўны ўдзел у гарадскіх канцэртах. На рахунку школы мноства перамог, прызавых месцаў на абласных аглядах-конкрурсах, фестывалях.
Сярод выпускнікоў: балерына Вераніка Аўчыннікава, кіраўнік прафесійнага танцавальнага калектыву «На ростанях» у Віцебску Сяргей Ракоўскі, дамбрыстка Наталля Шытнікава.
У 2015 годзе на будынку Талачынскай дзіцячай школы мастацтваў з'явілася мемарыяльная дошка А. М. Усаву. Калісьці ў гэтым будынку размяшчаўся райкам КПСС, дзе легендарны танкіст быў другім сакратаром.
Адрас: Віцебская вобласць, Талачынскі раён, г. Талачын, вуліца Піянерская, д. 2.
   
|
ЛІТАРАТУРА
1. Бiрукоў, В. Здабываецца працай i талентам / В. Бiрукоў // Сцяг Iльiча (Талачын). – 1998. – 19 снеж. – С. 2.
2. Бірукоў, В. З любоўю да справы сваёй / В. Бірукоў // Наша Талачыншчына. – 2004. – 5 чэрв. – С. 1.
3. Зайцев, В. Ф. Какой быть школе / В. Ф. Зайцев ; беседовал М. Королев // Наша Талачыншчына. – 2008. – 30 студз. – С. 2.
4. Середа, Е. Музыка ее души / Е. Середа // Наша Талачыншчына. – 2019. – 13 крас. – С. 7.
5. Середа, Е. Толочинской детской школе искусств – 50 / Е. Середа // Наша Талачыншчына. – 2013. – 12 кастр. – С. 2.
