Тэатр народны. Аршанскі раён, г. Орша

Подробности

Створана 12.11.2018 12:23

Адноўлена 13.11.2018 08:21

Творчая біяграфія народнага тэатра пачыналася з невялікага драматычнага гуртка, створанага ў 1902 годзе пры чыгуначнай станцыі «Орша». Арганізатарамі гуртка і першымі пастаноўшчыкамі спектакляў былі Сцяпанава, Грушніцкі і Лаўрыновіч.

Першы спектакль па п'есе С. Найдзёнава «Дзеці Ванюшына» быў паказаны на сцэне памяшкання «вакзальнай» школы, якая знаходзілася побач з царквой. Тады на прэм'еру прыйшло шмат гледачоў. А праз некалькі спектакляў школнае памяшканне ўжо не ўмяшчала ўсіх аматараў творчасці гурткаўцоў. Для пастановак пачалі выкарыстоўваць вазоўню мясцовай пажарнай каманды. Сталяры і мастакі абсталявалі сцэнічную пляцоўку і залу – і вазоўня стала падобнай да тэатральнага памяшкання.

Аднак акцёры выступалі не толькі перад аршанскімі гледачамі. У 20–30-я гады яны з поспехам ставілі спектаклі на сцэнах Мінска, Барысава, Смаленска, Віцебска і ў іншых гарадах Беларусі.

У гады Вялікай Айчыннай вайны многія самадзейныя акцёры пайшлі на фронт і ў партызанскія атрады.

У пасляваенныя гады тэатр паступова пачаў адраджацца. Першы поспех прыйшоў на ўсесаюзным аглядзе самадзейных тэатральных калектываў у Маскве: аршанскія артысты занялі другое месца. Праз некаторы час спектакль па п'есе А. Маўзона «Канстанцін Заслонаў» быў адзначаны дыпломам першай ступені на рэспубліканскім конкурсе.

У 1961 годзе калектыву прысвоена ганаровае званне «Народны».

З 1985 па 2005 народным тэатрам кіруе Васіль Мігаль. Па ініцыятыве народнага тэатра ў Оршы кожную вясну праводзяцца фестывалі аматарскіх тэатраў, у якіх прымаюць удзел артысты з Беларусі і Расіі.

З 2005 года мастацкім кіраўніком тэатра з'яўляецца Дзмітрый Васільевіч Ляцюк.

У рэпертуары тэатра – п'есы самых розных жанраў.

ЛІТАРАТУРА

1. Аршыца, Ю. Стагоддзе з гледачом / Ю. Аршыца // Витебский курьер. – 2003. – 11 апр. – С. 4.

2. Афанасьева, Л. Зорны час тэатра / Л. Афанасьева // Аршанская газета. – 2003. – 1 сак. – С. 1.

3. Иванова, Е. Добро пожаловать в мир ТЕАТРА! / Е. Иванова, Т. Баранок // Телеком-экспресс (Орша). – 2017. – 29 нояб. – С. 3.

4. Мигаль, В. 100 лет на сцене / В. Мигаль // Віцебскі рабочы. – 2003. – 12 лют. – С. 4.

5. Народный театр Дома культуры железнодорожников // Каталог профсоюзных и ведомственных любительских коллективов художественного творчества Республики Беларусь со званием «Заслуженный любительский коллектив Республики Беларусь» и наименованием «Народный» («Образцовый»): на 1 октября 2016 года / Федерация профсоюзов Беларуси. – Минск : Проф-Пресс, 2016. – С. 72.

6. Никитина, О. Столетие народного театра / О. Никитина // Народнае слова (Віцебск). – 2001. – 28 снеж. – С. 4.

7. Орлова, О. «Чужие близкие» / О. Орлова // Железнодорожник Белоруссии. – 2009. – 11 марта. – С. 4.

8. Палякова, І. У тэатра – юбілей / І. Палякова // Аршанская газета. – 2002. – 26 сак. – С. 2.

9. Семашко, М. «Забыть Герострата» / М. Семашко // Аршанская газета. – 2017. – 20 мая. – С. 6.

10. Семенько, Д. Жизнь, длиною в спектакль / Д. Семенько, Я. Богатырева // Телеком-экспресс (Орша). – 2013. – 4 апр. – С. 3.

11. Шутава, В. Чарговы сезон аматарскага тэатра / В. Шутава // Народнае слова. – 2004. – 2 снеж. – С. 2.