Ансамбль танца «Спадчына». Аршанскі раён, г. Орша
- Подробности
- Створана 12.11.2018 12:23
- Адноўлена 13.11.2018 14:10
Народны ансамбль танца «Спадчына» існуе пры Гарадскім Палацы культуры «Орша» з 1984 года. За дасягнутыя поспехі ў развіцці самадзейнай мастацкай творчасці, актыўную работу па папулярызацыі народных традыцый у 1986 годзе ансамблю танца «Спадчына» было прысвоена званне «народны аматарскі калектыў», якое ён неаднаразова і з поспехам пацвярджаў.
Да 2010 года кіраўніком ансамбля з'яўляўся Генадзь Курнуковіч. У сувязi з выхадам кiраўнiка на заслужаны адпачынак, дзейнасць ансамбля на працягу 2009–2010 г. перажыла творчы спад.
З 1 лютага 2011 года кіраўніком калектыву з'яўляецца Алена Гаеўская. Свой новы творчы шлях ансамбль танца «Спадчына» пачаў у абноўленым саставе. У склад калектыву ўваходзяць моладзь і дарослыя ад 14 да 40 год.
Дзякуючы працавітасці, стараннасці і імкненню кіраўніка і удзельнікаў калектыву, народны ансамбль «Спадчына» вядзе актыўную канцэртную дзейнасць. Выступленні калектыву сталі ўпрыгожваннем масавых святочных мерапрыемстваў: свята «Купалле» у г.Барані і «Юбілей авіярамонтнага завода» у г. п. Балбасава. Акрамя таго, народны ансамбль танца "Спадчына" прымае ўдзел ва усіх урачыстых мерапрыемствах, прысвечаных святочным датам: Дню горада, Дню Незалежнасцi Рэспублiкi Беларусь, Дню аховы дзяцей і г. д.
Рэпертуар ансамбля складаецца у асноўным з беларускіх народных танцау альбо замалёвак на творы беларускiх кампазiтараў. За кароткi час работы з новым кiраўнiком у рэпертуры калектыву ужо больш за 6 харэаграфічных кампазіцый: «Прывітальная», «Спадчына», беларускі народны танец «Лявоніха» і інш.
Калектыў і яго кіраўнік Алена Гаеўская валодае моцным творчым і інтэлектуальным патэнцыялам, мае шмат планаў і задум на будучыню.
|
ЛІТАРАТУРА
1. Сосницкая, Л. В театре играют только дети/ Л. Сосницкая// Телеком-экспресс (Орша). – 2009. – 28 мая. – С. 31.
2. Сосницкая, Л. Театр – это мир чудес! / Л. Сосницкая // Телеком-экспресс (Орша). – 2013. – 6 июня. – С. 6.
3. Сосницкая, Л. Поздравляем с премьерой! / Л. Сосницкая// Телеком-экспресс (Орша). – 2007. – 16 мая. – С. 2.
4. Сосницкая, Л. Мы плохие или хорошие? / Л. Сосницкая // Телеком-экспресс (Орша). – 2017. – 3 мая. – С. 2.
5. Сосницкая, Л. Сказка о голубой звездочке / Л. Сосницкая // Телеком-экспресс (Орша). – 2016. – 28 дек. – С. 21.
6. Сосницкая, Л. Театральная премьера: «Белый ангел с чёрными крыльями» / Л. Сосницкая // Телеком-экспресс (Орша). – 2014. – 3 апр. – С. 30.
7. Сосницкая, Л. «Скамейка М+К»– премьера состоялась! / Л. Сосницкая // Телеком-экспресс (Орша). – 2016. – 25 мая. – С. 22.
