Ансамбль народны народнай песні «Заманіха». Полацкі раён, г. Полацк

Подробности

Створана 27.06.2019 12:23

Адноўлена 27.06.2019 15:04

Калектыў «Заманіха» быў створаны пры Полацкім раённым Цэнтры культуры ў лістападзе 2000 года. Першапачаткова гэта была невялікая вакальная група, у склад якой уваходзіла 8 удзельнікаў. Усіх іх аб'ядноўвала цікавасць і любоў да народнай творчасці.

Зараз у складзе народнага ансамбля народнай песні «Заманіха» – 14 чалавек. У 2004 годзе ансамблю было прысвоена званне «Народны аматарскі калектыў». Асноўнымі мэтамі дзейнасці з'яўляецца развіццё творчых здольнасцей удзельнікаў, выхаванне эстэтычнага густу пасродкам музычнага мастацтва, прапаганда і захаванне беларускай народнай песні.

Калектыў мае дзве групы: вакальную і інструментальную. У рэпертуары ансамбля творы вядомых беларускіх выканаўцаў, стылізаваныя пад народныя, творы сучасных беларускіх кампазітараў і ўласнага аўтарства: «Хлеб ды соль» Л. Захлеўнага, «Віншавальная» В. Раінчыка, а таксама мясцовых: «Утушка», «Навошта мы сварыліся» А. Зелянко, «Цешча», «Хросная» В. Малых, «Ты са мною, мая Беларусь» Н. Дзёміна, «Доларчыкі», «Сусед» І. Гарбуновай, беларускія народныя песні: «Ой, у полі тры дубы», «Вячэрняя зара», «А на гары мельніца», «Ой, вярбіначка», «Ночка цёмная», «Каля кузні йшла», «Купалінка», «Сонейка на небе прыпякала» і інш.

За час свайго існавання ансамбль прадстаўляў Полацк у гала-канцэрце майстроў мастацтваў Беларусі на «Славянскім базары ў Віцебску», спяваў на рэспубліканскіх «Дажынках», удзельнічаў у розных конкурсах, лаўрэат міжнароднага фестывалю народнай музыкі і песні «Звіняць цымбалы і гармонік» (Паставы, 2007), абласнога свята-конкурсу народных талентаў «Грай, гармонік» (2008). Калектыў добра вядомы і за межамі Беларусі. «Заманіха» выступала ў Літве, Латвіі, Украіне і Польшчы.

Кіраўнік – Ірына Гарбунова.

ЛІТАРАТУРА

1. Демина, Н. И. Пусть не кончается полёт / Н. И. Демина // Полацкі веснік. – 2011. – 20 верас. – С. 6.

2. Зайцева, С. И. Полоцкий народный ансамбль народной песни «Заманіха» / С. И. Зайцева // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 336.

3. Павлович, Е. Браво, «Заманиха»! / Е. Павлович // Полацкі веснік. – 2018. – 25 мая. – С. 15.

4. Павлович, Е. Когда поёт душа... / Е. Павлович // Полацкі веснік. – 2017. – 28 крас. – С. 7 ; 23 чэрв. – С. 7.