Крупеніна, база адпачынку. Бешанковіцкі раён, в. Крупеніна
- Подробности
- Створана 21.05.2018 10:03
- Адноўлена 21.03.2019 13:48
| Афіцыйная назва | база адпачынку «Крупеніна» |
| Адрас | Віцебская вобласць, Бешанковіцкі раён, в. Крупеніна |
| Сайт | http://www.krupenino.by/ |
База адпачынку «Крупеніна» размешчана ў Бешанковіцкім раёне ў в. Крупеніна ў 35 км ад г. Віцебска на беразе маляўнічага возера.
Гасцінічны комплекс уяўляе сабой сучасны добраўпарадкаваны трохпавярховы будынак са зручнай мэбляй у кожным нумары. Усе нумары маюць лоджыі з цудоўным відам на возера і лес. На ўсёй тэрыторыі комплексу і ў ваколіцах устойліва працуе мабільная сувязь і Wi-Fi.
У гасцінічны комплекс уваходзяць нумары для пражывання адпачываючых, банкетныя залы, кафэ, бар, більярд, камінная. Нумары падзяляюцца на аднапакаёвыя, двухпакаёвыя, трохпакаёвыя, катэгорыі «люкс».
Для сямейнага адпачынку і адпачынку невялікай кампаніяй на беразе возера маецца двухпавярховы катэдж на 10 месцаў, які ўключае ў сябе некалькі ўтульных спальняў, прасторны кабінет для працы, кухню з сучасным абсталяваннем, аўтаномныя ванныя і туалетныя пакоі.
Таксама на тэрыторыі гасцінічнага комплексу размешчаны кафэ, бар, лазневы комплекс з басейнам, саўна з басейнам, лясная пешаходная дарожка, сцежка здароўя па берагавой лініі возера Бароўна, мангал, тэнісны корт, аўтастаянка. Госці могуць скарыстацца: більярдам, настольным тэнісам, катамаранам, скейтбордам, ролікавымі канькамі, лодкай. Па лясных наваколлях комплексу праходзіць добраўпарадкаваная двухкіламетровая лясная сцежка, побач з якой знаходзяцца ўпадабаныя месцы ягаднікаў і грыбнікоў.
База адпачынку «Крупеніна» арандуе 18 тыс. га паляўнічых угоддзяў і запрашае паляўнічых на спартыўнае паляванне на лася, дзіка, аленя і казулю.
Адрас: Віцебскі раён, Бешанковіцкі раён, в. Крупеніна.
     
|
ЛІТАРАТУРА
1. База отдыха «Крупенино» // Витебская область: природа, туризм, спорт, отдых / под общ. ред. Л. Л. Прокофьевой. – Витебск : Витебский центр маркетинга, 2005. – С. 196–197.
2. Людыно, А. В Крупенино работает реабилитационный центр / А. Людыно // Зара (Бешанковічы). – 2015. – 24 снеж. – С. 4.
3. Масловская, О. Прекрасное рядом / О. Масловская // Віцебскі рабочы. – 2010. – 1 июля. – С. 10.
