Мотарэзервацыя, аграэкасядзіба. Сенненскі раён, в. Студзёнка

Подробности

Створана 27.08.2019 10:03

Адноўлена 27.08.2019 15:49

Каля Бярозаўскага возера размешчана аграсядзіба «Мотарэзервацыя». На тэрыторыі знаходзіцца двухпавярховы драўляны дом.

Паслугі: пражыванне, арганізацыя пікніка, рыбалка, правядзенне карпаратываў, канцэртаў.

Аграсядзіба мае пляцоўку для правядзення фэстаў, у якіх удзельнічаюць музыканты, рок-калектывы.

Уладальнік сядзібы – Алег Яўгенавіч Усціновіч – штогод арганізоўвае мотапікнік, прысвечаны Дню Перамогі. У праграме: велапрабег, палявая кухня, спаборніцтвы па стральбе сярод дзяцей і юнакоў ад 8 да 14 гадоў «Варашылаўскі стралок», спаборніцтвы па рускім жыме і адцісканнях «Кубак Перамогі», лазертаг-гульні.

Аграсядзіба знаходзіцца на месцы танкавай бітвы пад Сянно, якая адбылася ў 1941 годзе.

У аграсядзібе адбылася арганізацыя выставы Міжнароднага фотапраекта «Вочы Перамогі». Жадаючыя павінны былі зрабіць фота ветэрана і напісаць пра яго.

Для наведвальнікаў-дзяцей да 14 гадоў пражыванне бясплатна.

Сядзіба мае пляж, частка вадаёма агароджана сеткай.

З 2019 года турысты маюць магчымасць займацца спортам на валейбольнай пляцоўцы.

Адрас: Віцебская вобласць, Сенненскі раён, в. Студзёнка, вуліца Азёрная, д. 13.

ЛІТАРАТУРА

1. Каролевич, Э. Память не стареет / Э. Каролевич // Витебские вести. – 2018. – 5 июля. – С. 6.

2. Пукшанскі, А. Аграсядзіба для байкераў. І не толькі для іх / А. Пукшанскі // Звязда. – 2018. – 11 крас. – С. 12.

СПАСЫЛКІ

 Афіцыйная старонка ў ВК

 Афіцыйная старонка Facebook

 Сектар спорту і турызму. Афіцыйны сайт Сенненскага райвыканкама