Баброва хата, база адпачынку. Расонскі раён, в. Уклеенка

Подробности

Створана 02.04.2020 11:38

Адноўлена 02.04.2020 12:37

Аграсядзіба «Баброва хата» размешчана на поўначы Рэспублікі Беларусь, на мяжы з РФ, на беразе маляўнічага возера Пралобна.

У 2006 годзе «Баброва хата» ўпершыню адчыніла свае дзверы. За гэты час аграсядзіба прыняла каля 15000 гасцей, у тым ліку з-за мяжы.

База адпачынку атрымала грамату Міністэрства спорту і турызму РБ, падзячны ліст ад старшыні Алімпійскага камітэта РФ.

Для камфортнага адпачынку прапануецца двухпавярховы асабняк на 7 добраўпарадкаваных нумароў і 4 асобныя катэджы з усімі выгодамі. Інтэр'ер сядзібы выкананы ў стылі «кантры» са сваімі нацыянальнымі беларускімі асаблівасцямі.

На базе адпачынку шмат прадметаў з дрэва, каваных, з натуральнага тэкстылю. Сярод прадметаў мэблі не толькі канапы, сталы і крэслы, але і лаўкі, скрыні, камоды. Свяцільні спалучаюць кераміку і коўку. Падлога зроблена з апрацаванай дошкі, пакрытай хатнімі кілімкамі і дываночкамі. Арганічна ўпісваюцца ў драўляныя сцены дамоў паляўнічыя трафеі, насценнае кашпо, габелены. Сярод прадметаў дэкору – выключна ручная работа. Турысты могуць пазнаёміцца з арыгінальнымі працамі беларускіх ганчароў, кавалёў і ткачых.

У аграсядзібе «Баброва хата» ванныя пакоі абсталяваны неабходнай сантэхнікай – унітазамі, умывальнымі ракавінамі і душавымі кабінамі.

Водазабеспячэнне і ацяпленне ў сядзібе аўтаномнае (няма перабояў з гарачай вадой). Ацяпленне ўключаецца нават летам, калі халоднае надвор'е.

Ва ўсіх нумарах існуюць ВК-тэлевізары з падключэннем да спадарожнікавага тэлебачання, DVD-прайгравальнікі, інтэрнэт.

Адпачываць у аграсядзібе могуць 50 гасцей адначасова. Часта наведвальнікамі сядзібы становяцца працоўныя калектывы буйных прадпрыемстваў.

Тэрыторыя ўяўляе сабой добраўпарадкаваны зямельны ўчастак з каменна-драўлянай агароджай. На тэрыторыі знаходзяцца: агульная альтанка, спартыўная пляцоўка для гульняў у валейбол ці баскетбол, вялікая каменная мангал-печ, аб'екты малой дэкаратыўнай архітэктуры, дзіцячая пляцоўка. Кожны катэдж мае ўласную абгароджаную тэрыторыю для барбекю і месца для аўтамабільнай паркоўкі.

Каля сядзібы абсталяваны пляж з альтанкай і пантонам, вышкай для нырання і гараж для лодак.

Асаблівы гонар базы адпачынку – руская лазня з купеллю.

Аграсядзіба «Баброва хата» размешчана на беразе возера Пралобна, якое ўваходзіць у каскад азёр: Валоба, Дрыса, Сіньша, Глыба, Опціна. На тэрыторыі паляўнічай гаспадаркі ТАА «Еўрапарк» знаходзяцца азёры Сіньша, Вядзета, Ножніцы, Чорнае, Белае, рака Дрыса. У гэтых вадаёмах водзіцца сом, судак, шчупак, акунь, лешч, вугор, краснапёрка, плотка, язь, гусцяра, ёрш, жэрах. У возеры Вядзета водзіцца рэдкая рыба сялява.

Вада ў вадаёмах крыштальна чыстая. Гэтыя месцы ідэальныя для падводнага палявання. Сярэдняя глыбіня азёр 5–7 м. Возера Пралобна кожны год зарыбляюць. Да паслуг рыбаловаў – катары, лодкі, аўтамабілі УАЗ, рыбацкія прылады.

У змешаных лясах вакол аграсядзібы «Баброва хата» водзяцца дзікі, казулі, высакародныя алені. Сустракаюцца янатападобныя сабакі, ласі. На лася дазволена паляванне па ліцэнзіі. Іншыя драпежныя жывёлы – барсук, буры мядзведзь (ахоўныя віды), воўк, лісіца, гарнастай, рысь – сустракаюцца рэдка. У басейне р. Заходняя Дзвіна сустракаецца бабёр, у густых маладых хвойніках – заяц. Прамысловыя віды птушак – глушэц, цецярук і рабчык.

Сезонны адпачынак

 пляжны адпачынак (пясок) і купанне ў праточным возеры Пралобна;

  «зорбінг»;

  катамараны;

  сёрфінг;

  прагулка па лесе на квадрацыкле або ровары;

  велізарны вадзяны батут;

  прагулка на лодцы;

  рыбалка;

 пляцоўка для гульняў у валейбол і футбол, спартыўны інвентар;

  сезонныя паходы за ягадамі (чарніцы) і грыбамі (баравікі, чырвонагаловікі, лісічкі).

У зімовы перыяд база адпачынку «Баброва Хата» – гэта заснежаныя дамы і дрэвы, казачная прырода, душэўная атмасфера:

– вечар каля каміна;

– руская лазня з купеллю;

– вандроўкі на снегаходзе;

– цюбінгі для дзяцей і дарослых;

– зімовая рыбалка.

Будынак лазні зроблены з дрэва, ацяпляецца выключна дровамі, вада ў купелі мяняецца пасля кожнага наведвання і набіраецца з найчысцейшых крыніц. Лазня складаецца з некалькіх памяшканняў: пярэдні пакой з туалетам, прылазнік з наборам прасцін, ручнікоў і тапачак, гасцёўня з камінам і вялікім сталом для сумеснага чаяпіцця, спецыяльнае памяшканне для купелі і ўласная парыльня.

У купель з халоднай вадой акунаюцца пасля працэдур у лазні. Тэмпература вады ў купелі не перавышае + 10 градусаў.

Спецыяльная прапанова – руская лазня з купеллю на мёдзе і піве.

Гэта працэдура – выдатны сродак для амалоджвання скуры, лячэння захворванняў нервовай сістэмы і стрававальнага апарата, аднаўлення сіл, нармалізацыі абменных працэсаў, прафілактыкі сардэчна-сасудзiстых захворванняў і органаў дыхання, барацьбы са скурнымі хваробамі.

Адрас: Віцебская вобласць, Расонскі раён, в. Уклеенка.

E-mail: Этот адрес электронной почты защищен от спам-ботов. У вас должен быть включен JavaScript для просмотра. .

ЛІТАРАТУРА

1. Голесник, С. Добрый день в «Бобровую хату»! / С. Голесник // Советская Белоруссия. – 2006. – 20 июня. – С. 12.

2. Казакевіч, З. Добра спіцца ў «Бабровай хаце» / З. Казакевіч // Народнае слова. – 2007. – 28 ліп. – С. 4.

3. Лопатина, Т. В «Бобровой хате» вы можете почувствовать себя счастливее / Т. Лопатина // Голас Расоншчыны. – 2017. – 11 лют. – С. 8.

4. Соловьев, В. М. «Бобровая хата» / В. М. Соловьев ; беседовала Т. Лопатина // Голас Расоншчыны. – 2013. – 23 сак. – С. 7.

5. Шиёнок, В. «Бобровая хата» всегда гостям рада! / В. Шиёнок // Голас Расоншчыны. – 2009. – 29 снеж. – С. 4.

6. Шпаковская, Г. «Бобровая хата» всем богата! / Г. Шпаковская // Витебские вести. – 2014. – 26 авг. – С. 4.

СПАСЫЛКІ

Усадьба Бобровая хата