Паазер’е, база адпачынку. Гарадоцкі раён, в. Канашы (2)

Подробности

Створана 01.07.2020 10:03

Адноўлена 01.07.2020 09:49

База адпачынку «Паазер'е» знаходзіцца ў 55 км на паўночны ўсход ад Віцебска ў в. Канашы Гарадоцкага раёна. Пачала працаваць для турыстаў з 2004 года.

Сёння «Паазер'е» мае: паляўнічую гаспадарку агульнай плошчай 27,2 тысячы га; возера Плаў плошчай 112 га; тры гасцявыя домікі на 2, 8 і 14 чалавек з камінам, спадарожнікавым ТБ, DVD, музычнай апаратурай, душавымі кабінамі і туалетамі, кухняй з наборам посуду, газавай плітой і халадзільнікам; рускую лазню на дровах.

На тэрыторыі базы знаходзіцца «Дом паляўнічага», інтэр'ер якога адпавядае лепшым паляўнічым традыцыям. Ёсць камін і вялікі стол з лавамі з чырвонага дрэва. Можа размясціць да 40 гасцей для правядзення банкетаў.

База прапануе паляванні на птушку (качка, глушэц, слонка); на пушных звяроў (заяц, янот, ліса, воўк); на капытных (лось).

Плошча дазваляе не толькі арганізоўваць адпачынак невялікіх груп прыхільнікаў экатурызму, але і праводзіць масавыя святы, злёты турыстаў і сямейныя ўрачыстасці.

Аматары пейнтбола змогуць ацаніць гушчыню лясоў і асаблівасці ландшафту.

Адрас: Віцебская вобласць, Гарадоцкі раён, в. Канашы.

ЛІТАРАТУРА

1. Захаров, А. За впечатлениями – в Поозерье, или Чем привлекает иностранцев белорусская глубинка? / А. Захаров // Гарадоцкі веснік. – 2008. – 13 снеж. – С. 5.

СПАСЫЛКІ

 УП «Паазер'е» у Гарадоцкім раёне запрашае адпачыць на прыродзе