Актам, база адпачынку. Мёрскі раён

Подробности

Створана 12.10.2020 10:03

Адноўлена 12.10.2020 10:59

База адпачынку «Актам» створана ў 1996 годзе і, у асноўным, разлічана на сямейны адпачынак. Знаходзіцца непадалёку ад в. Мурашкі на беразе воз. Важа. У 2015 годзе была праведзена рэканструкцыя турыстычнай базы.

База адпачынку «Актам» знаходзіцца на агароджанай ахоўнай тэрыторыі плошчай 5.00 га ў 12 км ад г. Мёры, у 95 км ад Полацка, у 206 км ад Віцебска. У распараджэнні гасцей – шэсць утульных домікаў розных тыпаў, у якіх могуць размясціцца да 90 адпачывальнікаў у летні перыяд; зімой функцыянуе чатыры дамы, якія ацяпляюцца, могуць размясціцца да 45 чалавек. Драўляныя двухпавярховыя домікі акружае мяшаны чысты лес з прыгожымі дэкаратыўнымі кустамі. Кожны домік разлічаны на 15 чалавек. Тут створаны спрыяльныя ўмовы для адпачынку: трохразовае харчаванне, распрацаваны водныя і іншыя турыстычныя маршруты ў зоне азёр Абстэрна, Набіста, Важа.

У кафэ базы адпачынку, размешчаным на самым беразе возера, гасцям прапануюць разнастайныя стравы беларускай і еўрапейскай кухні, прыгатаваныя з натуральных прадуктаў высокай якасці са сваёй падсобнай гаспадаркі. Ёсць вялікая банкетная зала на 90 чалавек.

Самыя актыўныя з адпачываючых могуць правесці час за гульнёй у валейбол ці настольны тэніс. Да паслуг гасцей і руская лазня з парылкай, більярд. На тэрыторыі базы ёсць альтанкі і пляцоўкі для шашлыка, таксама побач знаходзіцца абсталяваны пляж. На возеры можна арганізаваць рыбалку, пакатацца на лодках або катамаранах. Турыстаў чакаюць прагулкі па лясных угоддзях, велапрагулкі. Для дзяцей працуе пляцоўка з рознымі арэлямі, турнікамі. Наладжваюцца цікавыя экскурсійныя праграмы па славутых і маляўнічых мясцінах Віцебскай вобласці, экскурсійныя паездкі ў Браслаў, Паставы, Полацк, па Мёрскім раёне.

Адрас: Віцебская вобласць, Мёрскі раён, в. Мурашкі.

ЛІТАРАТУРА

1. Актам // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 14.

2. База отдыха «Актам» // Витебская область: природа, туризм, спорт, отдых = Vitebsk region: The nature, tourism, sport, rest / под ред. Л. Л. Прокофьевой. – Витебск : Витебский Центр маркетинга, 2005. – С. 58.

3. База отдыха «Актам» // Очарование Миорского края = Charm of Myory Region / сост: В. А. Ермалёнок, П. И. Богалей ; фото О. В. Молодечкин. – Новополоцк : О. В. Молодечкин, 2007. – С. 44–45.

4. Рагоўскі, В. «Актам» запрашае / В. Рагоўскі // Сцяг працы (Міёры). – 1998. – 26 верас. – С. 2.

СПАСЫЛКІ

  База отдыха «Актам»