
Часова зменены доступ да выданняў бібліятэкі
- Details
- Створана 19.06.2026 12:43
Паважаныя чытачы!
Звяртаем вашу ўвагу, што ў Віцебскай абласной бібліятэцы пачынаюцца рамонтныя работы ў аддзеле захоўвання асноўнага фонду.
У сувязі з гэтым доступ да выданняў, якія знаходзяцца ў дадзеным сховішчы, будзе часова абмежаваны. Выдача кніг з асноўнага фонду на перыяд рамонту праводзіцца не будзе.
Каб загадзя праверыць, ці даступна патрэбная вам кніга, скарыстайцеся нашым электронным каталогам: https://ek.vlib.by/.
Калі неабходныя вам матэрыялы апынуліся ў закрытым на рамонт аддзеле, вы можаце карыстацца бясплатнай паслугай міжбібліятэчнага абанемента (МБА) – мы дапаможам замовіць патрэбныя экзэмпляры з фондаў іншых бібліятэк.
Просім прабачэння за часовыя нязручнасці і просім паставіцца да сітуацыі з разуменнем. Мы працуем над тым, каб умовы захоўвання кніг і абслугоўвання сталі яшчэ лепшымі!
Пра завяршэнне рамонтных работ мы паведамім дадаткова на нашых інфармацыйных рэсурсах.
З павагай,
Адміністрацыя бібліятэкі.


































