
Крок да даўгалецця: у бібліятэцы прайшла акцыя «Не чакай заўтра - беражы здароўе сёння»
- Details
- Створана 01.10.2026 13:52
Прафілактычная акцыя «Не чакай заўтра - беражы здароўе сёння», прымеркаваная да Міжнароднага дня пажылога чалавека, прайшла ў бібліятэцы 30 верасня.
Мерапрыемства адбылося ў рамках маштабнага праекта «Разам да здароўя без выключэнняў» сумесна з Віцебскім абласным цэнтрам гігіены, эпідэміялогіі і грамадскага здароўя.
Пачатак кастрычніка – гэта час, які нагадвае нам аб каштоўнасці пражытых гадоў, павазе да старэйшага пакалення і важнасці клопату аб сабе. Берагчы здароўе – значыць падтрымліваць даўгалецце, і рабіць гэта трэба ўжо цяпер, каб падоўжыць актыўнае і паўнавартаснае жыццё.
Для чытачоў і гасцей бібліятэкі была арганізавана бясплатная экспрэс-дыягностыка, дзе кожны мог памераць артэрыяльны ціск, даведацца індэкс масы цела і прайсці дыягностыку індывідуальных фактараў рызыкі развіцця неінфекцыйных захворванняў. Спецыялісты цэнтра правялі персанальныя кансультацыі па здароваму харчаванню і прафілактыцы захворванняў сэрца і сасудаў. Асаблівую цікавасць у наведвальнікаў выклікала тэматычная кніжная выстава, падрыхтаваная супрацоўнікамі агульнай чытальнай залы.
Клопат пра сябе заўсёды пачынаецца з малога кроку. Гэта акцыя стала яшчэ адным важным напамінам: прафілактыка – гэта не тое, што можна адкласці на «потым». Гэта дзеянні, якія мы робім прама зараз. Мы шчыра дзякуем усім удзельнікам за іх актыўнасць, усвядомленасць і шчырае імкненне клапаціцца аб сваім здароўі.


































