
Выстава юных мастакоў «Горад над Дзвіной – натхненне скрозь пакаленні»
- Details
- Створана 13.10.2026 16:11
Выстава карцін вучняў гімназіі № 3 імя А. С. Пушкіна адкрылася 12 кастрычніка ў абласной бібліятэцы.
Экспазіцыя прысвечана Віцебску і прымеркавана да знакавай даты – сёлета навучальная ўстанова адзначае 55-гадовы юбілей.
Мастацкае аддзяленне працуе ў гімназіі ўжо 36 год. Для новай выставы выхаванцы падрыхтавалі пейзажы і сюжэтныя работы, у якіх пастараліся перадаць атмасферу роднага горада, свае думкі і настрой.
Адкрыццё атрымалася творчым: гімназісты чыталі вершы вядомага віцебскага паэта Давіда Сімановіча, а музычнае суправаджэнне на скрыпцы дапамагло гасцям бліжэй пазнаёміцца з атмасферай вернісажа.
З прывітальным словам выступіла намеснік дырэктара па вучэбнай рабоце Наталля Ляхновіч. Яна падзякавала хлопчыкам і дзяўчынкам за творчасць і выказала надзею, што ў будучым іх работы будуць выстаўляцца не толькі ў Віцебску, але і за межамі роднага горада.
Запрашаем жыхароў і гасцей горада пазнаёміцца з творчасцю юных аўтараў і, магчыма, па-новаму зірнуць на знаёмыя вуліцы. Выстава адкрыта для ўсіх жадаючых і працягнецца да канца кастрычніка.


































