Тэатр узорны «Крынічка». Полацкі раён, г. Наваполацк

Подробности

Створана 12.11.2018 12:23

Адноўлена 19.11.2018 16:45

Тэатр «Крынічка» быў заснаваны ў 1970 годзе Мікалаем Міронавічам Юрчанка пры Палацы культуры ААТ «Нафтан». 3 1977 года мае званне «ўзорны».

З 1992 па 2010 год калектывам кіравала Наталля Дзмітрыеўна Лютвінская. Пасля яе рэжысёрам «Крынічкі» стала Анжаліка Уладзіміраўна Шакава, затым Жанна Леанідаўна Атвалка. Сёння кіруе тэатрам малады рэжысёр Юлія Лузгіна.

У аснове рэпертуару спектаклі паводле народных казак, п'ес драматургаў. Сярод пастановак «Пунсовая кветачка» Л. Браўсевіча і I. Карнавухавай, «Марфа-каруначніца і Іван-каваль» Б. Брэева і Ю. Праданава, «Папялушка» Т. Габэ, «Казка пра Ваню і мядзведзя Бурана» Г. Гарф, «Горад дурняў» У. Ліўшыца, «Адалень-трава» В. Любімавай, «Беласнежка і сем гномаў» А. Табакова і Л. Усцінава, «Мудрасць дабрыні», «Маленькі шарманшчык» і «Недатыка» Л. Усцінава, «Дождж ліў як з вядра» А. Хмеліка і М. Шатрова, «Фініст – ясны сокал» М. Шастакова, «Снежная каралева» Я. Шварца.

Калектыў – дыпламант Рэспубліканскага агляду-конкурсу дзіцячай творчасці «Арляняты вучацца лётаць» (1976). Тэатр супрацоўнічае з іншымі творчымі калектывамі Палаца, такімі як студыя Online, ансамбль «Камарыкі», ансамбль «Менуэт» і іншыя. Спецыяльна для спектакляў «Крынічкі» яны рыхтуюць асобныя канцэртныя нумары, якія ўплятаюцца ў сюжэт. Некаторыя артысты «Крынічкі» з'яўляюцца ўдзельнікамі каманды КВЗ ААТ «Нафтан». Артысты тэатра таксама выступаюць у ролі вядучых канцэртных праграм, аніматараў, персанажаў у тэатралізацыі да розных каляндарных святаў. Для самых юных і пачынаючых артыстаў пры тэатры існуе «Тэатральная студыя для самых маленькіх».

ЛІТАРАТУРА

1. Масленікаў, П. Р. Узорны дзіцячы тэатр «Крынічка» / П. Р. Масленікаў // Памяць: Полацк : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; склад. С. С. Чарняўская ; навук. рэд.: Г. В. Штыхаў, С. В. Тарасаў ; мастак Э. Э. Жакевіч. – Мінск : БелЭн, 2002. – С. 885.