Клуб народны гістарычнай рэканструкцыі «Варгенторн». Віцебск, г.
- Подробности
- Створана 04.04.2023 09:01
- Адноўлена 04.04.2023 10:14
Клуб гістарычнай рэканструкцыі «Варгенторн» створаны ў 2002 годзе ў Віцебску пры культурна-дзелавым цэнтры «Віцебск» (з 2007 г. – Цэнтр культуры «Віцебск»). У 2007 годзе прысвоена званне «народны аматарскі калектыў». У клубе пастаянна займаюцца 25–30 чалавек розных узростаў – ад 18 да 40 гадоў.
Асноўныя мэты дзейнасці – вывучэнне побыту сярэдневякоўя, рэканструкцыя этнічнай культуры, прапаганда і папулярызацыя гісторыі роднага краю, здаровага ладу жыцця і фізічнай культуры.
У рэпертуары тэатралізаваныя спектаклі на гістарычную тэматыку, заснаваныя на летапісах, сагах, легендах і гістарычных дакументах, у тым ліку «Княгіня Вольга», мініяцюры («Гульня ў таўлеі», «Тры ракі», «Бой на лапатах»), танец «Ружа мячоў», пастановачныя баі, фаер-шоу.
Клуб арганізоўвае выставы («На шляху да Візантыі», «З варагаў у грэкі», «Шляхамі гісторыі»), на якіх экспануюцца касцюмы, зброя, прадметы працы, упрыгажэнні, прадметы побыту вікінгаў, крывічоў, латгалаў.
Калектыў – удзельнік Земгальскага гістарычнага фестывалю (Латвія), Міжнароднага фестывалю старажытнарускай гісторыі і культуры «Гарадзецкае гульбішча» (Расія), Міжнароднага маладзёжнага фестывалю ваенна-гістарычнай рэканструкцыі «Русборг» (Расія), Міжнароднага фестывалю славян і вікінгаў «Волін-Ёмсбарг-Вінета» (Польшча), Міжнароднага фестывалю гістарычных клубаў «Воінава поле» (Расія), Нацыянальнага рыцарскага турніру «Меч Гедыміна» (Ліда), адкрытага чэмпіянату па ірландскіх танцах у гарадах Кіеў, Харкаў (Украіна), Мінску.
У клубе ажыццяўляюцца міжклубныя праекты: «Віцебская харугва» – навуковая рэканструкцыя матэрыяльнай культуры Віцебскага апалчэння (шляхты і мяшчанства) першай паловы XVII ст. (1600–1650-я гг.); Diestro – вывучэнне і інтэрпрэтацыя іспанскай школы фехтавання La Verdadera destreza (XVII ст.).
У 2021 годзе ў культурна-спартыўным комплексе летняга амфітэатра адкрыўся інтэрактыўны цэнтр жывой гісторыі «Варгенторн». У клуба з'явілася новае ўладкаванае памяшканне з выставачнай залай, гарбарнай, сталярнай, слясарнай, ювелірнай майстэрнямі, лакацыямі для правядзення майстар-класаў.
Кіраўнік клуба – Алена Бібік.
ЛІТАРАТУРА
1. Голесник, С. От викинга до шляхтича / С. Голесник // СБ. Беларусь сегодня. – 2018. – 14 марта. – С. 9.
2. Гришина, А. Жизнь как красивый кинофильм / А. Гришина // Віцебскі рабочы. – 2012. – 27 сак. – С. 5.
3. Князева, Е. Путешествуя по далекому прошлому / Е. Князева // Народнае слова. – 2007. – 4 жн. – С. 5.
4. Крупица, Н. «Варгенторн»: увлекательное путешествие в Средневековье / Н. Крупица // Віцьбічы = Витьбичи. – 2021. – 28 окт. – С. ІІІ. – (Прил.: «Вечерний Витебск»).
5. Мацвеева, Т. Сярэднявечча ў жывых вобразах / Т. Мацвеева // Народная газета. – 2013. – 13 лют. – С. 14.
6. Пастернак, Т. Путями викингов и кривичей / Т. Пастернак // Народнае слова. – 2010. – 30 студз. – С. 8.
7. Серебренникова, А. Вернуться в Средневековье / А. Серебренникова // Витебский проспект. – 2012. – 23 февр. – С. 3.
8. Соболевский, Д. «Варгенторн» к битве готов! / Д. Соболевский // Віцьбічы = Витьбичи. – 2017. – 31 авг. – С. V. – (Прил.: «Вечерний Витебск»).
9. Соловьева, Т. Клуб «Варгенторн» / Т. Соловьева // Витебский проспект. – 2009. – 26 февр. – С. 3.
10. Хранители «Башни волков» / подгот. Н. Дроздова // Віцьбічы = Витьбичи. – 2016. – 21 янв. – С. V. – (Прил.: «Вечерний Витебск»).
11. Шэвякова-Багарад, І. В. Віцебскі народны клуб гістарычнай рэканструкцыі «Варгенторн» / І. В. Шэвякова-Багарад // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 345.
СПАСЫЛКІ
