Дом рамёстваў, ДУК. Лёзненскі раён, г. п. Лёзна

Подробности

Створана 10.12.2019 12:23

Адноўлена 10.12.2019 14:50

1 студзеня 1995 года быў створаны Лёзненскі раённы Дом рамёстваў – дзяржаўная ўстанова культуры, якая выконвае даследчую, вучэбна-выхаваўчую і творчую працу па вывучэнні, захаванні, адраджэнні мясцовых традыцый дэкаратыўна-прыкладнога мастацтва і прапагандзе народнай творчасці.

Задачамі ўстановы з'яўляюцца:

– збіранне традыцыйных тэхналогій і вырабаў народных майстроў;

– камплектаванне асабістага фонда Дома рамёстваў, архіва фотаматэрыялаў;

– перадача вопыту рамесніцкай дзейнасці народных майстроў насельніцтву рознага ўзросту ў навучальных гуртках, курсах па дэкаратыўна-прыкладным мастацтве і іншых мерапрыемствах;

– арганізацыя выставачна-экспазіцыйнай дзейнасці;

– наладжванне і прапаганда творчай дзейнасці ўдзельнікаў народнага клуба майстроў народных мастацкіх рамёстваў «Крыніцы».

Лёзненскі раённы Дом рамёстваў імкнецца перадаць інтарэс да народнай творчасці, мастацкага рамяства, выяўленчага мастацтва, народных традыцый усім наведвальнікам і вучням, ажыццяўляючы сваю працу ў цеснай сувязі з народнымі майстрамі, дзяржаўнымі арганізацыямі і ўстановамі.

Работа па зберажэнні рамесніцкіх традыцый вядзецца ў дзіцячых гуртках: «Лозапляценне», «Мастацкая вышыўка», «Саломапляценне», «Мастацкі роспіс», «Кераміка», «Мастацкая апрацоўка скуры», «Кераміка».

Важным накірункам дзейнасці ўстановы з'яўляецца пошукава-даследчая праца. Яна ўключае экспедыцыйна-даследчую работу ў раёне па адкрыцці новых імёнаў майстроў і мастакоў, зборы прадметаў этнаграфіі і вырабаў мясцовых творцаў для папаўнення фондаў, вывучэнні інфармацыі па рэгіянальным тэхнікам і тэхналогіям рамёстваў з мэтай іх адраджэння, рэканструкцыі мясцовых строяў адзення.

Для арганізацыі вольнага часу дарослага насельніцтва, падтрымкі і развіцця традыцыйнай і сучаснай культуры на базе Дома рамёстваў працуе народны клуб майстроў народных мастацкіх рамёстваў «Крыніцы».

Лёзненскі раённы Дом рамёстваў актыўна супрацоўнічае са сродкамі масавай інфармацыі. Установа мае вялікую колькасць узнагарод: дыпломы і падзякі за ўдзел у рэспубліканскіх, абласных і раённых святах, выставах і мерапрыемствах. Установай аказваюцца таксама платныя паслугі. На базе Дома рамёстваў працуе гандлёвы аб'ект «Беларускія сувеніры» па продажы твораў майстроў народнай творчасці і рамесніцкай дзейнасці.

Адрас: Віцебская вобласць, Лёзненскі раён, г. п. Лёзна, вуліца Леніна, д. 65.

ЛІТАРАТУРА

1. Пригожий, М. Влюблённые и ищущие / М. Пригожий // Вiцебскi рабочы. – 2007. – 13 снеж. – С. 10.

2. Ретнёва, Е. Воссоздание регионального костюма продолжается / Е. Ретнёва // Сцяг Перамогі (Лёзна). – 2017. – 27 студз. – С. 1, 3.

3. Ретнёва, Е. Ткачество на Лиозненщине возрождается / Е. Ретнёва // Сцяг Перамогі (Лёзна). – 2018. – 20 лістап. – С. 7.

4. Самусенко, И. М. Лиозненский районный Дом ремесел / И. М. Самусенко // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 68.

5. Шпакоўская, Г. Лёзненскіх ні з кім не зблытаеш / Г. Шпакоўская // Витебские вести. – 2016. – 4 февр. – С. 23.

6. Шпакоўская, Г. Раўненне – на лёзненскіх / Г. Шпакоўская // Витебские вести. – 2018. – 19 мая. – С. 12.

СПАСЫЛКІ

 Культурно-оздоровительный центр. Лиозненский районный исполнительный комитет