Новополоцк сегодня, газета, Полацкі раён. г. Наваполацк

Подробности

Створана 10.10.2018 12:23

Адноўлена 17.01.2019 15:06

У пачатку красавіка 1992 г. Наваполацкім гарадскім Саветам дэпутатаў была заснавана «Новая газета». 3 першых дзён яна знаходзіцца на вастрыні сучасных падзей, усебакова і аб'ектыўна асвятляе шырокую панараму жыцця горада, вобласці і рэспублікі.

На этапе станаўлення на медыя-рынку горада «Новую газету» узначальваў Павел Бурдыка. Пасля яе рэдактарамі працавалі Уладзімір Рыбакоў і Галіна Ігнаценкава. З 2009 па 2014 г. на пасадзе галоўнага рэдактара «Новай газеты» працаваў Аляксандар Папко. З лютага 2014 г. па сакавік 2015 г.– Галіна Фаміна.

З'яўляючыся найбольш масавым выданнем у Наваполацку, газета займае дастойнае месца ў інтэлектуальным жыцці горада, заваявала сваю чытацкую аўдыторыю.

Значны ўклад уносіць «Новая газета» ў асвятленне сацыяльна-эканамічнага, грамадска-палітычнага і культурнага жыцця горада, прапаганду духоўных і маральных каштоўнасцей. Газета пашырае тэматыку публікацый, шукае новыя формы падачы матэрыялаў, не ўхіляецца ад вострых жыццёвых праблем.

З чэрвеня 2014 г. «Новая газета» выходзіць пад назвай «Новополоцк сегодня».

Гэта выданне – самае чытаемае ў Наваполацку. На яе старонках знаходзяць адлюстраванне ўсе найважнейшыя падзеі ў жыцці краіны, вобласці і горада. Газета неаднаразова выходзіла пераможцам у рэспубліканскіх і абласных творчых конкурсах па рознай тэматыцы.

Галоўны рэдактар – Раманоўскі Мікалай Раманавіч.

Адрас рэдакцыі: 211447, Віцебская вобласць, г. Наваполацк, вул. Калініна, 5.

Е-mail: Этот адрес электронной почты защищен от спам-ботов. У вас должен быть включен JavaScript для просмотра. .