Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Пастаўскі край, газета. г. Паставы, Пастаўскі раён

 

Назва выдання Пастаўскі край
Тып СМІ газета
Тэматыка газета раённага выканаўчага камітэта і раённага Савета дэпутатаў
Мова беларуская, руская
Перыядычнасць выхаду
2 разы на тыдзень: серада і субота
Галоўны рэдактар Зелянкевіч Людміла Чаславаўна
Адрас рэдакцыі 211875, Віцебская вобласць, Пастаўскі раён, г. Паставы, вул. Ленінская, 42
Афіцыйны сайт http://www.postawy.by/

 

 

postavkaja1

 

 

У канцы верасня 1939 г. на Пастаўшчыне, якая толькі стала часткай адзінай Беларусі, была створана мясцовая газета «Новы шлях». Яе ўзначаліў А. Шафараў. Невялікі калектыў з трох чалавек да ўтварэння 15 студзеня 1940 г. выпусціў 40 нумароў двухпалоснай газеты. Раёнка расказвала аб пераўтварэннях, што адбываліся ў горадзе і на вёсцы, заклікала насельніцтва актыўна змагацца за пабудову новага грамадства, крытыкавала тых, хто не ішоў у нагу з часам.

Калі пачалася Вялікая Айчынная вайна і фашысты акупіравалі раён, «Новы шлях» прыпыніў сваё існаванне. Але ў лістападзе 1943 г. на базе штаба партызанскай брыгады імя Варашылава ў нарачанскіх лясах выйшаў у свет першы нумар газеты «За победу» – орган Пастаўскага падпольнага райкама партыі. У пасляваенныя гады яна стала насіць назву «Савецкі шлях» і разам з усімі жыхарамі раёна змагалася за аднаўленне народнай гаспадаркі. 3 красавіка 1962 г. газета выходзіла пад назвай «Звязда», з 1991 – «Пастаўскі край».

У розныя гады выданне рэдагавалі: Шафараў Аляксандр Іванавіч (з верасня 1939 да пачатку Вялікай Айчыннай вайны); Раманаў Якаў Сямёнавіч (з кастрычніка 1944 г. па ліпень 1945 г.); Лявонаў Валянцін Іванавіч (са студзеня 1947 г. па жнівень 1948 г.); Агрызка Іосіф Браніслававіч (з лістапада 1948 г. па лістапад 1950 г.); Асяненка Тамара Ільінічна (са снежня 1950 г. па сакавік 1953 г.); Станішэўскі Фелікс Казіміравіч (з красавіка 1953 г. па студзень 1954 г.); Асяненка Тамара Ільінічна (са жніўня 1954 г. па жнівень 1956 г.); Мандрык Іван Адамавіч (з 1965 г. па верасень 1959 г.); Магелявец Васіль Уладзіміравіч (з верасня 1959 г. па жнівень 1961 г.); Дзядзёнак Павел Парамонавіч (са жніўня 1961 г. па май 1972 г.); Маразюк Мікалай Іванавіч (з ліпеня 1972 г. па верасень 1989 г.); Курыловіч Пётр Пятровіч (з кастрычніка 1989 г. па студзень 1999 г.); Касаткіна Фаіна Альфонсаўна (з лютага 1999 г. па жнівень 2017 г.); Зелянкевіч Людміла Чаславаўна (са жніўня 2017 г. і да сённяшняга часу).

У 1991 г. газета ўпершыню выйшла пад назвай «Пастаўскі край». Спачатку, як і раней, тры разы на тыдзень – у аўторак, чацвер і суботу аб'ёмам чатыры паласы. З № 25 за 26 лютага 1991 г. – у аўторак і пятніцу на чатырох старонках. З № 64 за 15 жніўня 1992 г. газета пачала выходзіць на чатырох старонках у сераду і суботу. З 2001 г. аб'ём выдання – 4 (па серадах) і 6 (па суботах) старонак, з 2004 г. – 4 і 8, з 2005 г. – 6 і 8. З 7 сакавіка 2006 г. газета пачала выходзіць двухкаляровай. У 2006 г. (№ 119–120) да Дня беларускага пісьменства, які праходзіў у Паставах, выйшаў першы паўнакаляровы нумар. У 2007 г. паўнакаляровыя нумары былі падрыхтаваны да свята 8 сакавіка і X Міжнароднага фестывалю народнай музыкі «Звіняць цымбалы і гармонік». Газета мела аб'ём 8 і 10 старонак, а з 2009 г. – 8 і 12 старонак.

Друкавалася ў Пастаўскай узбуйненай друкарні. У верасні 1998 г. (№ 77) выйшаў першы нумар, які быў набраны і звярстаны на камп'ютары і надрукаваны афсетным спосабам у Наваполацкай друкарні. З чэрвеня 2014 г. перайшла на паўнакаляровы друк.

Самы высокі тыраж – 11 899 экземпляраў – мела ў 1990 г.

З 2009 г. газету можна чытаць у інтэрнэце.

Газета ўзнагароджана Ганаровай граматай Вярхоўнага Савета БССР, станавілася лаўрэатам абласнога творчага конкурсу сярод друкаваных СМІ імя Ф. Скарыны, неаднаразовым пераможцам абласных і рэспубліканскіх творчых конкурсаў.

Галоўны рэдактар – Зелянкевіч Людміла Чаславаўна.

Адрас рэдакцыі: 211875, Віцебская вобласць, г. Паставы, вул. Ленінская, 42.

Е-mail: Этот адрес электронной почты защищен от спам-ботов. У вас должен быть включен JavaScript для просмотра.

 

ЛІТАРАТУРА

1. З юбілеем, газета! // Пастаўскі край. – 1999. – 29 верас. – С. 4.

2. Курыловіч, П. «Раёнка» святкавала юбілей / П. Курыловіч // Пастаўскі край. – 2004. – 3 лістап. – С. 1–2.

3. Курыловіч, П. Свята газеты, роднага слова, журналістаў і чытачоў / П. Курыловіч // Пастаўскі край. – 2009. – 14 кастр. – С. 1–2.

4. Курыловіч, П. Упершыню – на Міжнароднай выстаўцы / П. Курыловіч // Пастаўскі край. – 2010. – 15 мая. – С. 2.

5. «Пастаўскі край» // Сродкі масавай інфармацыі Віцебскай вобласці / рэд. Л. Д. Мышлёнак. – Віцебск : Віцебская абласная друкарня, 2004. – С. 18–19.

6. Пашкевіч, Т. Раёнка святкавала 75-годдзе / Т. Пашкевіч // Витебские вести. – 2014. – 15 нояб. – С. 11.

7. Раёнка паведамляе // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад.: К. І. Козак, А. І. Кузняцоў ; рэд.-склад. Г. К. Кісялёў ; мастак Э. Э. Жакевіч. – Мінск : Белта, 2001. – С. 469–477.

8. 70 [гадоў з дня выхаду першага нумара газеты «Пастаўскі край»] // Пастаўскі край. – 2009. – 30 верас. – С. 1–8.

 

СПАСЫЛКІ

1. О газете «Пастаўскі край»