Жыццё Прыдзвіння, газета. г. Віцебск, Віцебскі раён

Подробности

Створана 19.04.2017 12:23

Адноўлена 02.04.2019 15:19

Першы нумар Віцебскай раённай газеты выйшаў 11 ліпеня 1938 года пад назвай «Калгасная трыбуна» як орган Віцебскага РК КП(б)Б і раённага Савета дэпутатаў працоўных.

У час нямецка-фашысцкай акупацыі газета з'яўлялася органам Віцебскага падпольнага РК КП(б)Б і раённага Савета дэпутатаў працоўных. Вядомы два нумары ад 3 красавіка і 5 мая 1943 года на рускай мове пад назвай «За Родину».

У верасні–лістападзе 1942 года газета выдавалася пад назвай «Колхозная правда» (рэдактар – Я. Качан).

Пасля вызвалення раёна раённая газета выходзіла пад даваеннай назвай на дзвюх палосах. 3 1962 года перайменавана ў «Ленінскую праўду», а з 1994 года – у «Жыццё Прыдзвіння» – орган Віцебскага раённага выканаўчага камітэта і Віцебскага раённага Савета дэпутатаў.

У розны час яе рэдактарамі былі М. Спатакай, М. Антоненка, П. Дзергачоў, А. Расамаха, Я. Трыгорлаў, М. Кахно.

Зараз галоўным рэдактарам газеты «Жыццё Прыдзвіння» з'яўляецца Таццяна Мікалаеўна Дзіканава.

Адрас рэдакцыі: 210603, Віцебская вобласць, Віцебскі раён, г. Віцебск, вул. Гогаля, 17.

ЛІТАРАТУРА

1. Газеце «Жыцце Прыдзвiння» – 60! // Жыццё Прыдзвiння (Вiцебск). – 1998. – 10 лiп. – С. 1–4.

2. «Жыццё Прыдзвіння» // Сродкі масавай інфармацыі Віцебскай вобласці / тэкст Л. Д. Мышленка. – Віцебск, 2003. – С. 24.

3. Кахно, М. У раёнцы – увесь раён / М. Кахно // Жыццё Прыдзвіння (Вiцебск). – 1998. – 10 ліп. – С. 1.

4. Камлёва, Н. Новые горизонты «Жыцця» / Н. Камлёва // Витебские вести. – 2018. – 10 июля. – С. 4.

5. Это наша с тобой биография // Жыццё Прыдзвіння (Віцебск). – 2008. – 26 ліп. – С. 2–3.