Голас Сенненшчыны, газета. Сенненскі раён, г. Сянно

Подробности

Створана 09.09.2019 12:23

Адноўлена 09.09.2019 10:32

«Голас Сенненшчыны» – адна са старэйшых газет Рэспублікі Беларусь і Віцебскай вобласці. 1 мая 1918 года ў г. Сянно выйшаў першы нумар «Вести исполкома» – выданне выканаўчага камітэта Саветаў рабочых, сялянскіх і салдацкіх дэпутатаў. У 1919 годзе – «Факел», у 1930 годзе – «Камунар» (орган Сенненскага РК КП(б), РВК и райпрафсавета).

У 1935 годзе «Бальшавіцкая трыбуна». У пачатку Вялікай Айчыннай вайны выданне было часова прыпынена. У 1943 годзе газета аднавіла свой выхад у падполлі, у Сенненскай партызанскай брыгадзе В. С. Лявонава. Перыядычнае выданне заклікала людзей да барацьбы з нямецка-фашысцкімі захопнікамі, умацоўвала ў народа веру ў перамогу.

Пасля вызвалення Сенненскага раёна ад ворагаў «Бальшавіцкая трыбуна» накіроўвала на хутчэйшае аднаўленне і далейшае развіццё народнай гаспадаркі.

У 1952–1962 гг. – «Шлях да камунізма», з пачатку мая 1962 года – «Сцяг Ільіча» пры Талачынскім тэрытарыяльным вытворчым калгасна-саўгасным упраўленні, з сакавіка 1963 года – «Ленінская іскра» Сенненскага райкама КПБ і раённага Савета дэпутатаў працоўных.

З 1991 года – «Голас Сенненшчыны». Гэта масава-палітычнае выданне Сенненскага раёна Віцебскай вобласці. Перыядычнасць – 2 разы на тыдзень. Заснавальнікі: Сенненскі раённы выканаўчы камітэт і Сенненскі раённы Савет дэпутатаў.

Матэрыялы газеты прысвечаны дзейнасці раённых органаў улады, грамадскіх арганізацый, рабоце прадпрыемстваў і ўстаноў раёна (школы, бальніцы, культурныя ўстановы), людзям, якімі ганарыцца Сенненшчына, іх працоўным, спартыўным, культурным дасягненням.

З 2013 года перыядычнае выданне павялічыла свой аб'ём. Па аўторках і суботах – на 8 паласах фармату А3 на рускай і беларускай мовах. Суботні нумар выходзіць у поўнакаляровым варыянце. Сярэдні тыраж складае 3500 экзэмпляраў.

Тэматычныя старонкі карыстаюцца папулярнасцю: жаночая «Сяброўка», маладзёжная «Ветразь», экалагічная «Крынічка», краязнаўчая «Далягляды», літаратурная «Верасы», сямейная «Сямейныя чытанні». Плануецца стварыць старонку для дзяцей. На сёмай паласе суботняга нумару – «Выхадны дзень», тут заўсёды можна знайсці матэрыял для душы і па інтарэсах: красворды, рэцэпты, карысныя парады, анекдоты.

У рубрыках «Дзяжурны рэпарцёр» і «Выязная прыёмная» карэспандэнты газеты дапамагаюць насельніцтву вырашаць многія жыццёвыя пытанні.

У структуры – рэдакцыя радыёвяшчання «На прасторах Сенненшчыны».

Адрас: Віцебская вобласць, Сенненскі раён, г. Сянно, вуліца Чкалава, д. 4а.

Е-mail: Этот адрес электронной почты защищен от спам-ботов. У вас должен быть включен JavaScript для просмотра. , Этот адрес электронной почты защищен от спам-ботов. У вас должен быть включен JavaScript для просмотра. .

ЛІТАРАТУРА

1. Анечкина, Е. Праздник для всего района / Е. Анечкина // Віцебскі рабочы. – 2008. – 27 мая. – С. 7.

2. Бандарэвіч, В. Ад селькора – да рэдактара / В. Бандарэвіч // Голас Сенненшчыны. – 2013. – 4 мая. – С. 4.

3. Бандарэвіч, В. Ад Ямала да Варшавы / В. Бандарэвіч // Голас Сенненшчыны. – 2018. – 12 мая. – С. 4.

4. Бандарэвіч, В. Пра што пісала «раёнка» паўстагоддзя назад / В. Бандарэвіч // Голас Сенненшчыны. – 2016. – 3 мая. – С. 4.

5. Бараноўскі, А. Друкаванае слова жыве ў вяках / А. Бараноўскі // Голас Сенненшчыны. – 2018. – 29 мая. – С. 4.

6. Белов, М. Из истории газеты: ровесница и современница / М. Белов // Голас Сенненшчыны. – 2008. – 2 мая. – С. 7.

7. Буракова, Т. Паэт, журналіст, шчыры чалавек / Т. Буракова // Голас Сенненшчыны. – 2016. – 30 жн. – С. 4.

8. Буракова, Т. Прысвяціў жыццё друкарнай справе / Т. Буракова // Голас Сенненшчыны. – 2008. – 2 мая. – С. 2.

9. Буракова, Т. Упісаў свой радок / Т. Буракова // Голас Сенненшчыны. – 2017. – 31 студз. – С. 6.

10. Голас Сенненшчыны // Сродкі масавай інфармацыі Віцебскай вобласці : буклет / тэкст Л. Д. Мышлёнак. – Віцебск : Віцебская абласная друкарня, 2003. – С. 20–21.

11. З юбілеем раёнка! // Голас Сенненшчыны. – 2003. – 29 крас. – С. 4.

12. Іўеў, Л. Рэдактар падпольнай «раёнкі» / Л. Іўеў // Голас Сенненшчыны. – 2007. – 4 мая. – С. 2.

13. Коханко, В. Поиски продолжаются / В. Коханко // Голас Сенненшчыны. – 2018. – 24 ліп. – С. 5.

14. Лазюк, А. Урокі прафесіяналізму і чалавечай дабрыні / А. Лазюк // Голас Сенненшчыны. – 2016. – 16 жн. – С. 4, 8.

15. Ляшук, С. 100 гадоў гучыць голас краю / С. Ляшук // Витебские вести. – 2018. – 5 мая. – С. 1.

16. Ляшук, С. Голас краю / С. Ляшук // Голас Сенненшчыны. – 2018. – 5 мая. – С. 1, 5.

17. Мукамолова, Л. Журналіст. Паэт. Патрыёт / Л. Мукамолава // Голас Сенненшчыны. – 2016. – 13 лют. – С. 3.

18. Стук, А. Слова, якое чакалi / А. Стук // Голас Сенненшчыны. – 1998. – 1 верас. – С. 2, 4 ; 8 верас. – С. 3–4.

19. Тулбусов, А. Здравствуй, племя молодое! / А. Тулбусов // Віцьбічы = Витьбичи. – 2008. –10 июля. – С. XV.

20. Фоталетапіс: «Горад старадаўні – горад малады» / падрыхт. В. Бандарэвіч // Голас Сенненшчыны. – 2018. – 29 мая. – С. 5.

21. Цапота, О. Голас Сенненшчыны / О. Цапота // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 322.

22. Яўгенаў, А. Жыццёвая плынь Аляксандра Стэльмаха / А. Яўгенаў // Голас Сенненшчыны. – 2017. – 17 студз. – С. 5.