Чырвоны прамень, газета. Чашніцкі раён, г. Чашнікі

Подробности

Створана 28.11.2019 12:23

Адноўлена 28.11.2019 10:07

Газета «Чырвоны прамень» Чашніцкага раёна была створана ў верасні 1930 года. Яе першы нумар выйшаў у свет 3 снежня 1930 года пад назвай «За калектывізацыю». Затым яна стала называцца «Шлях сацыялізму», крыху пазней яе перайменавалі ў «Сцяг сацыялізму». А ў 1965 годзе газеце была дадзена новая назва, якую яна носіць і зараз.

Яе рэдактарамі ў свой час былі С. Колас, І. Касцюковіч, А. Картузаў, А. Манькоў, В. Кальцоў, Л. Бегунова.

Тыраж газеты на 1 студзеня 2019 г. – 5342 экз. Цесная сувязь калектыва рэдакцыі і чытачоў назіраецца ў пастаянных рубрыках «Пісьмо паклікала ў дарогу», «Тэму падказаў чытач», «Нам пішуць», «Горячий телефон» і іншых.

Супрацоўнікі газеты на старонках друкаванага выдання адлюстроўваюць падзеі, якія хвалююць жыхароў раёна, падзеі, якімі напоўнена іх паўсядзённае жыццё. Рубрыкі «В центре внимания», «Критическим пером», «Бывае і такое», «Зона особого внимания» з'яўляюцца ў кожным другім нумары і змяшчаюць крытычны матэрыял.

Раённая газета з'яўляецца своеасаблівым летапісам ваеннага гонару нашых землякоў, ветэранаў Вялікай Айчыннай вайны, воінаў-інтэрнацыяналістаў. Прыцягваюць позірк чытачоў рубрыкі «Эхо огненных лет», «Память», «Вспоминают ветераны» і інш. Больш за год рыхтуецца і друкуецца спецвыпуск «Жыць і помніць».

На старонках газеты ў рубрыках «На абсягах культуры», «Культурны мерыдыян», на тэматычнай старонцы «Родная зямля» размяшчаецца матэрыял, які адлюстроўвае культурнае жыццё раёна, нацыянальныя традыцыі. Галоўная дзеючая асоба публікацый у рубрыках «Человек и его дело», «Человек трудом славен», «Справа яго жыцця» – чалавек працы, хлебароб і педагог, сацыяльны работнік і кіраўнік. Незайменна папулярны матэрыял ў рубрыках «Наши земляки», «Знай наших», «Дорогие мои земляки», у якіх ідзе гаворка аб дасягненнях чашнічан у розных галінах.

Адрас рэдакцыі: Віцебская вобласць, Чашніцкі раён, г. Чашнікі, вуліца Касманаўтаў, 19.

Е-mail: Этот адрес электронной почты защищен от спам-ботов. У вас должен быть включен JavaScript для просмотра.

ЛІТАРАТУРА

1. Мурашкина, В. Достоверно и нескучно / В. Мурашкина // Народнае слова. – 2011. – 12 мая. – С. 7.

2. Средства массовой информации // Чашники: 500 лет / отв. за вып. Т. В. Пчелкина. – Витебск : Витебская областная типография, 2004. – С. 20.

3. Сродкі масавай інфармацыі Віцебскай вобласці : буклет / рэд. Л. Д. Мышлёнак. – Віцебск : Віцебская абласная друкарня, 2004. – 24 с.