Сцяг Перамогі, газета. Лёзненскі раён. г. п. Лёзна

Подробности

Створана 08.10.2019 12:23

Адноўлена 10.12.2019 14:00

Лёзненская раённая газета выдаецца з 18 жніўня 1931 года, першапачаткова яна мела назву «Ленінскі сцяг». Яе заснаванне супала з часам першых пяцігодак, і газета актыўна асвятляла ход калектывізацыі, распавядала пра поспехі ільнозаводаў і хлебаробаў, шырока асвятляла пытанні культурнага жыцця, ліквідацыю непісьменнасці. Першым рэдактарам газеты быў Георгій Цярэнцьевіч Мінчукоў.

У гады акупацыі Лёзненшчыны нямецка-фашысцкімі захопнікамі выпуск раёнкі быў часова спынены, але адразу ж пасля вызвалення райцэнтра ў кастрычніку 1943 года «Ленінскі сцяг» зноў вярнуўся да чытача. Пасля вайны газета мабілізоўвала мясцовае насельніцтва на ліквідацыю разрухі і аднаўленне народнай гаспадаркі. Пад рэдакцыю быў выдзелены невялікі будынак у цэнтры пасёлка. Ваенныя дапамаглі з абсталяваннем, паперай і шрыфтамі. Хутка вырашылася і кадравая праблема. Галоўным рэдактарам быў назначаны Сяргей Аляксеевіч Свірыдаў, які да гэтага адказваў за выпуск у тыле ворага газеты «Ленінскі сцяг» – органа падпольнага райкама партыі.

З 1963 года газета стала прыходзіць да падпісчыкаў пад сваёй новай назвай – «Сцяг Перамогі».

Мясцовыя журналісты з дапамогай пазаштатных аўтараў з ліку працаўнікоў вёскі, рабочых, спецыялістаў і інтэлігенцыі імкнуліся ўсебакова асвятляць эканамічнае, сацыяльнае і культурнае жыццё Лёзненшчыны. Адзначаліся станоўчыя моманты, прапагандаваліся перадавы вопыт, не абміналі і існуючыя праблемы. Рос аўтарытэт газеты, а разам з ім і яе тыраж, які ў пэўныя перыяды дасягаў пяці тысяч асобнікаў і вышэй.

Найбольш прадуктыўным у плане раскрыцця творчага патэнцыялу мясцовых журналістаў можна лічыць перыяд з сярэдзіны 70-х – пачатку 80-х гг., калі калектыў узначальваў А. Бараноўскі, а ў рэдакцыі працавалі вядомыя сёння ў вобласці і рэспубліцы журналісты В. Фёдараў, М. Бялоў, сённяшнія ветэраны журналістыкі В. Пятроў, Ф. Курбацкі і інш. З лёзненскай раёнкай звязаны і імёны такіх знакамітых публіцыстаў, як Г. Мінчукоў, С. Свірыдаў, Е. Бондарава.

У 1981 годзе за дасягнутыя поспехі на ніве журналістыкі і ў сувязі з 50-годдзем з дня выхаду першага нумара газета «Сцяг Перамогі» была ўзнагароджана Ганаровай граматай Вярхоўнага Савета БССР. Газета неаднаразова з'яўлялася пераможцам розных абласных і рэспубліканскіх творчых конкурсаў, адзначалася граматамі і дыпломамі. Мелі месца і іншыя знакі прызнання аўтарытэту мясцовага выдання, высокага прафесійнага майстэрства яго супрацоўнікаў.

Галоўны рэдактар – Ратнёва Алена Норбертаўна.

Адрас рэдакцыі: 211220, Віцебская вобласць, г. п. Лёзна, вуліца Леніна, 77.

Е-mail: Этот адрес электронной почты защищен от спам-ботов. У вас должен быть включен JavaScript для просмотра. , Этот адрес электронной почты защищен от спам-ботов. У вас должен быть включен JavaScript для просмотра.

ЛІТАРАТУРА

1. Магільны, В. Аб чым мы раней паведамлялі / В. Магільны // Сцяг Перамогі (Лёзна). – 2001. – 19 мая. – С. 2.

2. Нам 65! і мы маладыя як ніколі // Сцяг Перамогі (Лёзна). – 1996. – 17 жн. – С. 2.

3. Пахолкіна, Л. Адчуваючы слова / Л. Пахолкіна // Витебские вести. – 2013. – 21 сент. – С. 12.

4. Первый редактор // Сцяг Перамогі (Лёзна). – 2016. – 16 жн. – С. 3.

5. Пишем летопись района 1931–2016 // Сцяг Перамогі (Лёзна). – 2016. – 16 жн. – С. 1, 6.

6. Пахолкіна, Л. Адчуваючы слова / Л. Пахолкіна // Витебские вести. – 2013. – 21 сент. – С. 12.

7. Похолкина, Л. 80 – для газеты не возраст / Л. Похолкина // Віцебскі рабочы. – 2011. – 18 авг. – С. 15.

8. Ретнёва, Е. Награда – заслуга всего коллектива / Е. Ретнёва // Сцяг Перамогі (Лёзна). – 2016. – 13 мая. – С. 1.

9. Ретнёва, Е. «Сцяг Перамогі» / Н. Ретнёва // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 510–502.

10. Свиридов, С. Все в сердце и в памяти / С. Свиридов // Сцяг Перамогі (Лёзна). – 2000. – 12 верас. – С. 3.

11. Сустрэнем разам юбілей // Сцяг Перамогі (Лёзна). – 2000. – 29 жн. – С. 1.

12. Сцяг Перамогі // Сродкі масавай інфармацыі Віцебскай вобласці : буклет / тэкст Л. Д. Мышлёнак. – Віцебск : Віцебская абласная друкарня, 2003. – С. 17–18.

13. Федараў, В. Амаль як у «Полі цудаў» / В. Федараў // Рэспубліка. – 1996. – 16 жн. – С. 3.