Міёрскія навіны, газета. Мёрскі раён, г. Мёры

Подробности

Створана 24.08.2020 12:23

Адноўлена 24.08.2020 13:54

Раённая газета «Міёрскія навіны» асвятляе грамадска-палітычнае і культурнае жыццё раёна, сацыяльна-эканамічнае развіццё рэгіёна. Двухколерная, выходзіць два разы на тыдзень. Матэрыялы друкуюцца пад рубрыкамі: «У райвыканкаме», «Афіцыйна», «Прамая лінія», «Дзяржкантроль», «Землякі», «Меркаванне», «Людзі вёскі», «Пошта», «Экалогія», «Спорт», «Аграэкатурызм», «Прадпрымальніцтва», «Культура» і інш. Кожны месяц рыхтуюцца да друку тэматычныя рубрыкі (прававая, маладзёжная, спартыўная і інш.), а таксама старонка празаічных і паэтычных твораў чытачоў.

Гісторыя газеты пачынаецца з вясны 1941 года, калі пабачыў свет першы нумар раённай газеты пад назвай «Бальшавіцкая трыбуна». Тыраж налічваў 1500 экзэмпляраў. Першым рэдактарам «Бальшавіцкай трыбуны» быў Міхаіл Раманавіч Шляхценка. У гады вайны на базе партызанскай брыгады імя Калініна друкавалася газета «Кліч партызана».

Першы пасляваенны нумар раённай газеты выйшаў пад ранейшай назвай «Бальшавіцкая трыбуна» 5 снежня 1944 года. Яна выходзіла рэгулярна, два разы на тыдзень, тыражом 1000 экзэмпляраў. Нумарацыю тады пачалі спачатку, бо архіўных матэрыялаў, падшывак даваеннай газеты не знайшлі.

У канцы 80-х гадоў газета пачала друкавацца ў Наваполацкай друкарні, дзе выкарыстоўвалі сучаснае афсетнае абсталяванне. Мясцовая ж тыпаграфія друкавала толькі бланкі, а ў 2000 годзе была зачынена.

Газета ў розныя гады мела назвы: «Зара камунізму» (1952–1962), «Сцяг працы» (1962–2001).

Сучасная назва раённай газеты – «Міёрскія навіны» – бярэ свой адлік з 2002 года. Рэдакцыя і яе супрацоўнікі пастаянна ўдзельнічаюць у рэспубліканскіх і абласных творчых конкурсах. Іх дасягненні адзначаны дыпломамі і граматамі.

Тыраж газеты сёння складае 3960 экзэмпляраў.

Галоўны рэдактар газеты «Міёрскія навіны» – Станкевіч Наталля Леанідаўна.

Адрас рэдакцыі: 211287, Віцебская вобласць, Мёрскі раён, г. Мёры, вуліца Дварнасельская, 5а.

ЛІТАРАТУРА

1. Ад «Сцяг працы» да «Міёрскіх навін» / падрыхт. Л. Матэленак // Міёрскія навіны. – 2016. – 13 жн. – С. 6–7.

2. Ивченко, Л. Суть журналистики осталась неизменной / Л. Ивченко // Витебские вести. – 2016. – 12 марта. – С. 10.

3. Матэленак, Л. Іх справай было поклічнае слова / Л. Матэленак // Міёрскія навіны. – 2020. – 5 мая. – С. 6.

4. Матэленак Л. На палавіне шляху / Л. Матэленак // Міёрскія навіны. – 2017. – 6 мая. – С. 5.

5. Матэленак Л. Наша біяграфія: гісторыя стварэння і развіцця «Сцяг працы» / Л. Матэленак // Сцяг працы. – 2001. – 22 мая. – С. 1.

6. Матэленак Л. Пад спеў матора / Л. Матэленак // Міёрскія навіны. – 2016. – 26 крас. – С. 6.

7. Матэленак Л. Пачатак / Л. Матэленак // Міёрскія навіны. – 2016. – 9 лют. – С. 4.

8. Матэленак Л. Першы юбілей / Л. Матэленак // Міёрскія навіны. – 2016. – 27 лют. – С. 5.

9. Сухараў, В. Нагадаў здымак / В. Сухараў // Міёрскія навіны. – 2012. – 18 снеж. – С. 3.