Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Ушацка-Лепельскае ўзвышша. Ушацкі раён

 

Ушацка-Лепельскае ўзвышша знаходзіцца ў цэнтральнай частцы Беларускага Паазер'я. Займае частку Глыбоцкага, Лепельскага, Міёрскага, Полацкага і Ушацкага раёнаў Віцебскай вобласці.

Працягнулася з паўночнага захаду на паўднёвы ўсход на 115 км, з захаду на ўсход на 45 км, плошча 3,4 тыс. км2.

На поўначы і паўночным усходзе мяжуе з Полацкай нізінай, на паўднёвым усходзе з Чашніцкай раўнінай, на поўдні і захадзе з Верхнебярэзінскай нізінай, на паўночным захадзе з Свянцянскімі градамі.

У сучасным рэльефе вылучаюцца Лукомскае ўзвышша на паўднёва-ўсходняй ускраіне, Пышнагорскае і Кубліцкае ўзвышшы на захадзе. Большую частку тэрыторыі займаюць вышыні 150–200 м над узроўнем мора, рэльеф тут пласкахвалісты з адноснымі перавышэннямі 8–10 м. Найвышэйшы пункт 279 м над узроўнем мора – на Лукомскім узвышшы на паўночны ўсход ад в. Новыя Валосавічы Лепельскага раёна. На мяжы з Полацкай нізінай рэльеф найбольш парэзаны, паміж азёрнымі катлаванамі раскіданы астраўныя павышэнні (озы і камы), што стварае рэзкі кантраст з навакольнай паверхняй (адносныя перавышэнні 30–40 м) – гладдзю азёр.

Карысныя выкапні: легкаплаўкія гліны, пясчана-жвіровы матэрыял, сапрапель.

Многа азёр, якія злучаюцца пратокамі і невялікімі рэкамі. Найбольшыя з Ушацкай групы азёр – Чарсцвяцкае, Павульскае, Атолава, Янова. На поўдні Ушацка-Лепельскага ўзвышша знаходзіцца найбольш значнае Лепельскае возера.

Рэкі належаць да басейна Заходняй Дзвіны.

Лясы займаюць амаль палову тэрыторыі.

 

ЛІТАРАТУРА

1. Ушацка-Лепельскае ўзвышша // Геаграфія Беларусі : энцыклапедычны даведнік / рэдкал. Л. В. Казлоўская [і інш.]. – Мн.,1992. – С. 74.

2. Ушацка-Лепельскае ўзвышша // Энцыклапедыя прыроды Беларусі : у 5 т. / рэдкал. І. П. Шамякін [і інш.]. – Мн., 1986. – Т. 5. – С. 179.