Орша, г. п., Аршанскі раён. Герб і сцяг
- Подробности
- Створана 01.03.2017 12:23
- Адноўлена 23.08.2017 10:27
Герб і сцяг зарэгістраваны ў Гербавым матрыкуле Рэспублікі Беларусь 23 мая 2002 г. № 84.
Апісанне і выява герба
Герб Оршы – адзін са старэйшых у рэспубліцы і належыць да гісторыка-геральдычных помнікаў Беларусі.
У блакітным полі барочнага шчыта – срэбны крыж, ніжэй якога – залаты паўмесяц рагамі ўверх.
Гербавыя фігуры маюць глыбокі сэнс. Кавалерыйскі крыж сімвалізуе мужнасць, гераізм, адвагу. Паўмесяц – вядомы сімвал Багародзіцы, які шырока выкарыстоўваецца ў хрысціянскай традыцыі. Знак паўмесяца, звернуты вострымі краямі ўверх, увасабляе элемент, які дае жыццю магчымасці распаўсюджвання і ўказвае накірунак да бясконцага развіцця, а таксама засцерагае яе ад уплыву ніжэйшых сіл.
Апісанне і выява сцяга
Прастакутнае блакітнае палотнішча з суадносінамі бакоў 1:2. На 1/4 вышыні ў ніжняй частцы па ўсёй даўжыні палотнішча праведзена блакітная паласа, над якой месціцца другая блакітная паласа шырынёй, роўнай 1/4 ніжняй. Адлегласць паміж палосамі роўная шырыні вузкай паласы. У верхняй частцы палотнішча ў белым полі па цэнтры – выява герба, які накладваецца на палосы ніжняй часткі.
На сцягу шырокая і вузкая блакітныя палосы сімвалізуюць дзве асноўныя ракі Оршы – Днепр і Аршыцу, на зліцці якіх і быў заснаваны горад. Блакітны і белы колеры адпавядаюць асноўнай каляровай гаме герба, якія сімвалізуюць ваду і прыналежнасць да Белай Русі.
ЛІТАРАТУРА
1. Агеева, А. Якi герб нам блiжэй? / А. Агеева // Аршанская газета. – 2000. – 11 мая. – С.3.
2. Бордовский, П. Чему нас учит история / П. Бордовский // Аршанская газета. – 1999. – 28 верас. – С. 2.
3. Г. Орша // Геральдычны вянок Віцебшчыны / У. І. Адамушка, М. М. Елінская, С. В. Рублеўскі. – Віцебск : Віцеб. абл. друк., 2010. – С. 63–64.
4. Город Орша // Современная геральдика Беларуси / В. И. Адамушко, М. М. Елинская. – Минск : БелЭн імя П. Броўкі, 2012. – С. 222–223.
5. Герб – сімвал незалежнасці // Сцяг Перамогі (Лёзна). – 1998. – 1 верас. – С. 4.
6. Зноў пра наш герб // Аршанская газета. – 1999. – 9 верас. – С. 2.
7. Лютынскі, В. Геральдычныя сімвалы Оршы / В. Лютынскі // Телеком-экспресс (Орша). – 2008. – 11 дек. – С. 7.
8. Маркевіч, М. На сесіі гарсавета дэпутатаў / М. Маркевіч // Аршанская газета. – 2002. – 16 крас. – С. 2.
9. Орша // Гербы и флаги Беларуси / В. И. Адамушко, М. М. Елинская. – Минск : Беларусь, 2006. – С. 77–78.
10. Петрушин, В. Гербы Оршы / В. Петрушин // Витебский курьер. – 2001. – 16 окт. – С. 3.
11. Цітоў, А. Орша // Геральдыка беларускіх местаў (XVI – пачатак XX ст.) / А. Цітоў. – Мінск : Полымя, 1998. – С. 210.
12. Цітоў, А. К. Орша // Гарадская геральдыка Беларусі / А. К. Цітоў. – Мінск : Полымя, 1989. – С. 158.
