Дом культуры раённы, ДУК. Пастаўскі раён, г. Паставы
- Подробности
- Створана 12.11.2018 12:23
- Адноўлена 28.02.2019 13:01
| Сучасная назва | Пастаўскі раённы Дом культуры |
| Былая назва | Дом культуры Савецкай Арміі (1974) |
| Тып | дзяржаўная ўстанова культуры |
| Дата заснавання | 1974 |
| Месца знаходжання | Віцебская вобласць, Пастаўскі раён, г. Паставы |
Самай значнай установай культуры на Пастаўшчыне як па колькасці гурткоў і разнастайнасці культурна-масавых мерапрыемстваў, так і па развіцці платных паслуг з'яўляецца раённы Дом культуры. Адкрыты ў 1974 г. у Паставах як Дом культуры Савецкай Арміі. З 1991 г. сучасная назва. Агульная плошча 2160 м2, у т. л. глядзельнай залы 438,1 м2, фае 234,8 м2, сцэны – 200,5 м2, хола – 72,5 м2.
У 2006 г. да правядзення ў Паставах Дня беларускага пісьменства ў раённым Доме культуры быў зроблены капітальны рамонт, закуплена гукавое і светлавое абсталяванне, абноўлены касцюмы ў народных калектывах. Наведвальнікаў гасцінна сустракаюць прасторныя вестыбюлі з зелянінай і кветкамі, выдатна абсталявана глядзельная зала на 520 пасадачных месцаў, утульныя пакоі для заняткаў гурткоў і аб'яднанняў. А іх у РДК налічваецца 22, з іх 7 маюць званне «народны» і «ўзорны дзіцячы калектыў». Працуюць 6 клубаў па інтарэсах. Не раз Дом культуры станавіўся пераможцам раённых спаборніцтваў.
Таксама ў 2013 г. Пастаўскі РДК быў узнагароджаны дыпломам за 1 месца ў намінацыі «Культура» па выніках абласнога агляду-конкурсу на лепшую пастаноўку ідэалагічнай работы ў працоўных калектывах Віцебшчыны. Калектыў быў адзначаны таксама абласной прэміяй за высокія творчыя дасягненні ў галіне культуры і мастацтва ў намінацыі «Лепшы раённы Дом культуры», а яго дырэктар Ала Чарнюк – дыпломам за лепшую арганізацыю платных паслуг насельніцтву.
Адрас: Віцебская вобласць, Пастаўскі раён, г. Паставы, вуліца Станкевіча, д. 15 а.
ЛІТАРАТУРА
1. Касаткіна, Ф. Установе культуры быць паказальнай / Ф. Касаткіна // Пастаўскі край. – 2012. – 28 студз. – С. 2.
2. Курыловіч, П. Выдатны падарунак / П. Курыловіч // Пастаўскi край. – 2006. – 13 верас. – С. 1.
3. Поставский районный Дом культуры // Культурная палитра Поставщины / авт.-сост. Л. Четович. – Поставы : Поставская типография, [20--?]. – С. 46.
4. Поставский районный Дом культуры // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 365–366.
5. Чарнюк, А. Наша задача – дарыць людзям свята / А. Чарнюк // Пастаўскі край. – 2009. – 10 кастр. – С. 3.
6. Чарнюк, А. Б. «Будзем працаваць яшчэ лепш» / А. Б. Чарнюк ; гутарыла А. Шапавалава // Пастаўскi край. – 2008. – 9 лют. – С. 8.
