Жалезнякі, рэабілітацыйна-аздараўленчы комплекс. Віцебскі раён
- Подробности
- Створана 10.07.2017 12:23
- Адноўлена 20.11.2018 15:41
| Афіцыйная назва | Рэабілітацыйна-аздараўленчы комплекс «Жалезнякі» |
| Адрас | Віцебская вобл., Віцебскі р-н, в. Жалезнякі |
| Медыцынскі профіль | Хваробы сардэчна-сасудзістай сістэмы |
| Хваробы органаў дыхання | |
| Хваробы апорна-рухальнага апарату | |
| Хваробы мочапалавой сістэмы | |
| Сайт | http://zheleznyaki.by/ |
З 1 студзеня 2015 года на базе аздараўленчага комплексу «Жалезнякі» арганізаваны рэабілітацыйна-аздараўленчы комплекс «Жалезнякі», філіял Віцебскага абласнога кардыялагічнага дыспансера, для рэабілітацыі пацыентаў кардыялагічнага і кардыяхірургічнага профіляў. У адпаведнасці з рашэннем Рэспубліканскай камісіі па дзяржаўнай атэстацыі санаторна-курортных і аздараўленчых арганізацый ад 15 чэрвеня 2016 года РАК «Жалезнякі» прысвоены статус «санаторна-курортная арганізацыя для дарослых» першай катэгорыі. Установа ўдала размешчана ў маляўнічым месцы сярод хвойных і ліставых дрэў на беразе ракі Заходняя Дзвіна. Недалёка знаходзіцца сядзіба Іллі Рэпіна «Здраўнёва».
У рэабілітацыйна-аздараўленчым комплексе «Жалезнякі» тры корпусы: галоўны 3-павярховы корпус з медыцынскім блокам, спальны 2-павярховы корпус і лячэбна-аздараўленчы корпус з саўнай і басейнам.
Аздараўленчы комплекс мае добрую лячэбную базу. Тут працуюць кабінеты лячэбнай фізкультуры, фізіятэрапіі, гразелячэння, рэфлексатэрапіі, стаматалагічны кабінет. Выкарыстоўваюцца лячэбныя ванны, стоўнтэрапія і масаж, гідрамасаж, галатэрапія, магнітатэрапія. Да паслуг адпачывальнікаў кафэтэрый, танцавальны зал, бібліятэка, дзіцячая пляцоўка, вадаём, паркоўка, спартыўныя пляцоўкі, пракат спортінвентару.
  
|
ЛІТАРАТУРА
1. В «Железняки» едут – «железно» за здоровьем! // Твой город (Витебск). – 2016. – 18 февр. – С. 4.
2. Голесник, С. Жемчужные ванны и травяной коктейль // Советская Белоруссия. – 2008. – 2 февр. – С. 16.
3. Железняки // Курорты и здравницы Беларуси / Ю. М. Досин [и др.] ; под ред. Ю. М. Досина, И. И. Пирожника. – Минск : БелЭн імя П. Броўкі, 2008. – С. 115–116.
4. Серебрякова, Т. В «Железняки» – за железным здоровьем / Т. Серебрякова // Витебские вести. – 2015. – 15 окт. – С. 13.
СПАСЫЛКІ
Железняки. Реабилитационно-оздоровительный комплекс