Ветразь, абласны дзіцячы рэабілітацыйны аздараўленчы цэнтр. Пастаўскі раён, в. Касцяні
- Подробности
- Створана 20.11.2018 08:40
- Адноўлена 26.02.2019 09:27
| Афіцыйная назва | Абласны дзіцячы рэабілітацыйны аздараўленчы цэнтр «Ветразь» |
| Адрас | Віцебская вобласць, Пастаўскі раён, в. Касцяні |
| Тып | установа аховы здароўя |
| Медыцынскі профіль | хваробы касцёва-сустаўнай сістэмы |
| хваробы нервовай сістэмы | |
| хваробы органаў дыхання | |
| хваробы сардэчна-сасудзістай сістэмы | |
| хваробы сістэмы кровазвароту | |
| Сайт | http://uzodrocvetraz.by/ |
Сваю гісторыю «Абласны дзіцячы рэабілітацыйны аздараўленчы цэнтр «Ветразь» бярэ ў 2004 годзе, калі ўпершыню на рэабілітацыйнае лячэнне былі прыняты дзеці з Віцебскай вобласці.
Размешчаны ў сасновым бары ў 5 км ад раённага цэнтра, паміж вядомымі Нарачанскай і Браслаўскай курортнымі зонамі. У цяперашні час на рэабілітацыйнае лячэнне прымаецца да 210 дзяцей у змену. У летні час у цэнтры функцыянуе летні аздараўленчы лагер, дзе адпачываюць дзеці з усіх абласцей Беларусі і Расіі.
Для лячэння шырока выкарыстоўваецца кінэзатэрапія, масаж, фізіятэрапія. Фізіятэрапеўтычнае аддзяленне ўведзена ў эксплуатацыю ў 2006 годзе, абсталявана новай сучаснай медыцынскай апаратурай і мае вялікую колькасць разнастайных працэдур. Водалячэбныя працэдуры прадстаўлены ў выглядзе лекавых ваннаў, цыркулярнага душа, падводнага масажу, душа Шарко, узыходзячага душа, жамчужных ваннаў (агульных і мясцовых нажных), кантрасных ваннаў. Асноўныя фізіятэрапеўтычныя метады лячэння: электралячэнне, магнітатэрапія, аромафітатэрапія, лазератэрапія, інгаляцыйная тэрапія, аэраіонатэрапія, цеплалячэнне, святлолячэнне, фітатэрапія. На ўсіх этапах аднаўленчай тэрапіі і рэабілітацыі актыўна выкарыстоўваецца лячэбная фізкультура.
Стаматалагічны кабінет абсталяваны сучаснай стаматалагічнай устаноўкай. Маецца клініка-дыягнастычная лабараторыя з апаратамі і наборамі для біяхімічных даследаванняў, што дазваляе самастойна праводзіць клінічныя і біяхімічныя даследаванні біялагічных вадкасцяў. З дзецьмі праводзяцца заняткі па гігіене, мерапрыемствы па фарміраванні здаровага ладу жыцця. Харчаванне шасціразовае рацыянальнае і сбалансаванае. Пры неабходнасці ўрачы сумесна з дыетолагамі распрацоўваюць спецыяльныя дыеты і індывідуальнае меню. Пражываюць дзеці ў трохспальных карпусах ў нумарах на 2–3 ложкі з усімі выгодамі.
Культурна-масавая работа пабудавана так, каб дзеці маглі не толькі адпачыць, але і максімальна карысна і цікава правесці свой час. Новы спартыўны комплекс уключае ў сябе закрыты спартыўны манеж і адкрытую спартыўную пляцоўку са штучным пакрыццём, што дазваляе праводзіць спартыўныя спаборніцтвы, эстафеты, разнастайныя конкурсы і трэніровачныя зборы круглы год. У цэнтры вольнага часу працуе бібліятэка, праводзяцца дыскатэкі, паказ відэафільмаў, канцэртныя праграмы ў кінаканцэртнай зале. Арганізуюцца экскурсійныя паездкі па гістарычных мясцінах Пастаўшчыны.
Адрас: Віцебская вобласць, Пастаўскі раён, в. Касцяні, вуліца Радужная, д. 3.
|
ЛІТАРАТУРА
1. Берникович, Д. Под парусом светлых надежд / Д. Берникович // Витебские вести. – 2018. – 24 февр. – С. 8.
2. Быньков, А. «Ветразь» готов расширяться / А. Быньков // Народнае слова. – 2011. – 23 ліп. – С. 8.
3. Быньков, А. Стратегический курс на здоровое детство / А. Быньков // Народнае слова. – 2009. – 14 ліп. – С. 6.
4. Голесник, С. «Ветразь» ловит попутный ветер / С. Голесник // Советская Белоруссия. – 2016. – 25 февр. – С. 12.
5. Григорьев, О. Открыт детский центр / О. Григорьев // Витебский курьер. – 2003. – 7 окт. – С. 1.
6. Зеленкевич, Л. Апгрейд «Ветразя» / Л. Зеленкевич // Пастаўскі край. – 2017. – 5 жн. – С. 4.
7. Курыловіч, П. Сталі «сястрычкамі» і «брацікамі» / П. Курыловіч // Пастаўскi край. – 2006. – 21 кастр. – С. 3, 7.
8. Лекарэвіч, Л. «Ветразь» дадае здароўя / Л. Лекарэвіч // Пастаўскi край. – 2006. – 6 верас. – С. 3.
9. Мисник, Е. Жемчужная ванна и чашечка кофе / Е. Мисник // Рэспубліка. – 2012. – 15 чэрв. – С. 6.
10. Пашкевич, Т. Терапия добротой / Т. Пашкевич // Витебские вести. – 2018. – 16 июня. – С. 15.
11. Пашкевіч, Т. «Ветразь» дае надзею / Т. Пашкевіч // Витебские вести. – 2015. – 6 янв. – С. 5.
12. Пашкевіч, Т. Паправіць здароўе з камфортам / Т. Пашкевіч // Витебские вести. – 2017. – 6 янв. – С. 5.
13. Сняжкова, І. Для здароўя і адпачынку – усе ўмовы / І. Сняжкова // Пастаўскі край. – 2015. – 22 ліп. – С. 1, 5.
14. Учреждение здравоохранения «Областной детский реабилитационный оздоровительный центр «Ветразь» // Оздоровительный туризм Витебщины : [буклет] / отв. за вып. Д. В. Мацкевич. – Витебск : Витебская областная типография, 2015. – С. 14.
15. Філановіч, В. Са спадарожным ветрам у ветразях / В. Філановіч // Пастаўскі край. – 2018. – 11 крас. – С. 5.
СПАСЫЛКІ
