Баравое, санаторый. Докшыцкі раён

Подробности

Створана 25.07.2019 12:23

Адноўлена 25.07.2019 14:12

Дзяржаўная ўстанова «Санаторый "Баравое"» Упраўлення справамі Прэзідэнта Рэспублікі Беларусь заснавана ў 2000 годзе (пераўтворана з санаторыя-прафілакторыя «Баравое»). Плошча тэрыторыі – 76,3 га. У 2016 годзе санаторый рэканструяваны. Па выніках атэстацыі атрымаў вышэйшую санаторна-курортную катэгорыю. Нумарны фонд – 215 койка-месцаў. Санаторый «Баравое» атрымаў сваю назву не выпадкова. Ён знаходзіцца ў зоне Бярэзінскага біясфернага запаведніка, у хваёвым бары на беразе возера.

Медыцынскі профіль санаторыя арыентаваны на лячэнне захворванняў органаў дыхання, апорна-рухальнага апарату, органаў стрававання, сардэчна-сасудзістай, эндакрыннай і нервовай сістэм, скураных, гінекалагічных і ўралагічных захворванняў, а таксама на рэабілітацыю хворых. Лячэбна-дыягнастычныя падраздзяленні санаторыя забяспечаны сучасным медыцынскім абсталяваннем. Тут праводзяцца УГД унутраных органаў, малочных і шчытападобнай залоз, ЭКГ, дыягностыка гінекалагічных і ўралагічных захворванняў, эндаскапічнае абследаванне органаў стрававання, камп'ютарная комплексная дыягностыка «Стыгма». Санаторый прапаноўвае ўсе віды фізіятэрапеўтычнага лячэння, каля дваццаці відаў лячэбных ваннаў, лазератэрапію, фізіятэрапію, масажы. Працуюць кабінеты гідратэрапіі кішэчніка, электрасну, стаматалогіі і гінекалогіі, ароматэрапіі і псіхалагічнай разгрузкі, залы ЛФК і механатэрапіі, СПА-капсула.

У 2001 годзе тут пабудавана адна з лепшых у рэспубліцы водалячэбніца з басейнам 25х8 м, напоўненым мінеральнай вадой, саўнай, душамі, ваннамі, гейзерам, кабінетамі масажу (аэрагідрамасажу) і магчымасцю правядзення вялікага мноства іншых працэдур. Да паслуг адпачывальнікаў бювет з мінеральнай вадой (лячэбна-сталовая вада «Баравая» ставіцца да рэдкага тыпу казанскіх вод).

У санаторыі камфортныя ўмовы для пражывання ў трох карпусах.

Корпус № 1 адкрыты з красавіка 2010 года пасля рэканструкцыі. У корпусе 75 нумароў на 126 ложка-месцаў.

Корпус № 2 у 2015–2016 гадах быў зачынены на рэканструкцыю. Прымае адпачываючых з лістапада 2016 года. Корпус стаў чатырохпавярховым (з'явіўся мансардны паверх). Цяпер у ім 58 аднамесных нумароў.

Корпус № 3 размешчаны на ўскрайку лесу, які мяжуе з прыбярэжнай зонай. У ім 15 нумароў на 29 ложка-месцаў. Маюцца два палепшаных нумары.

Для вольнага часу ёсць тэнісны корт, спартыўная і танцавальная пляцоўкі, бары, кіназала, бібліятэка. Праводзяцца забаўляльныя мерапрыемствы і дыскатэкі для дарослых і дзяцей, вечары «У вогнішча з шашлыком». Маецца ўсё неабходнае для аматараў гульні ў більярд. Работнікі культмасавага сектара санаторыя знаходзяцца ў цесным кантакце з калектывамі артыстаў-прафесіяналаў.

Дзякуючы экскурсійным паездкам ёсць магчымасць пазнаёміцца з цікавымі месцамі Віцебшчыны. З «Баравога» можна адправіцца на экскурсіі ў Полацк, Бярэзінскі запаведнік, па гістарычных мясцінах, звязаных з падзеямі 1812 года і інш.

ЛІТАРАТУРА

1. Башун, Е. ...И даже понежиться в молочно-медовой ванне / Е. Башун // Віцьбічы = Витьбичи. – 2006. – 4 февр. – С. 8.

2. Берникович, Д. В «Боровое» – за здоровьем / Д. Берникович // Витебские вести. – 2016. – 17 нояб. – С. 14.

3. «Боровое» // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 472.

4. «Боровое» // Туристская энциклопедия Беларуси / под общ. ред. И. И. Пирожника ; редкол.: Г. П. Пашков [и др.] ; сост.: Л. В. Ловчая, Т. И. Жуковская. – Минск : БелЭн, 2007. – С. 58.

5. «Боровое» // Туристские регионы Беларуси / под общ. ред. И. И. Пирожника ; редкол.: Г. П. Пашков [и др.] ; сост.: Л. В. Ловчая. – Минск : БелЭн імя П. Броўкі, 2008. – С. 119–120.

6. Государственное учреждение «Санаторий "Боровое"». – Минск : Управление делами Президента Республики Беларусь, [2005?]. – 16 с. – (Откройте для себя Беларусь!).

7. Государственное учреждение санаторий «Боровое» Управления делами Президента Республики Беларусь // Оздоровительный туризм Витебщины : [буклет] / отв. за вып. Д. В. Мацкевич. – Витебск : Витебская областная типография, 2015. – С. 6.

8. Метельская, С. Санаторий «Боровое» подарит здоровье / С. Метельская // Советская Белоруссия. – 2014. – 12 дек. – С. 7.

9. Санаторий «Боровое»: лечение плюс хорошее настроение // Народная газета. – 2003. – 6 лістап. – С. 5.

10. Санаторий «Боровое» Управления делами Президента Республики Беларусь // Оздоровительный туризм Витебщины = Health tourism in Vitebsk region / текст Н. Крупица. – Витебск, 2008. – С. 3.

11. Санаторый «Баравое» // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 601.

СПАСЫЛКІ

  ДУ «Санаторый «Баравое» Упраўлення справамі Прэзідэнта Рэспублікі Беларусь