Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Багушэўская абласная туберкулёзная бальніца, УАЗ. Сенненскі раён, г. п. Багушэўск

 

Афіцыйная назва УАЗ «Багушэўская абласная туберкулёзная бальніца»

Тып

установа аховы здароўя
Дата заснавання 1962
Месца знаходжання Віцебская вобласць, Сенненскі раён, г. п. Багушэўск
Сайт http://botb.by/index.php

 

Галоўнай мэтай дзейнасці УАЗ «Багушэўская абласная туберкулёзная бальніца» з'яўляецца аказанне лячэбна-дыягнастычнай медыцынскай дапамогі хворым туберкулёзам.

Бальніца была заснавана ў 1962 годзе ў сасновым бары на ўскраіне г. п. Багушэўск Сенненскага раёна.

З 1963 года галоўны ўрач – Іван Цімафеевіч Міхалькоў. Бальніца была разлічана на 320 ложкаў. Пад кіраўніцтвам І. Ц. Міхалькова былі пабудаваны новы пяціпавярховы корпус, кацельня, харчаблок, лячэбна-вытворчыя працоўныя майстэрні, трохпавярховы дом для медперсаналу.

З 1997 года галоўны ўрач – А. П. Захараў. Па стане на 2001 год ва ўстанове аховы здароўя – 35 урачоў, 105 медсясцёр, 120 чалавек малодшага персаналу.

У склад установы аховы здароўя «Багушэўская абласная туберкулёзная бальніца» ўваходзяць наступныя структурныя падраздзяленні: аддзяленні (псіхатуберкулёзнае, 4 фтызіятрычныя, 2 фтызіятрычныя з прымусовым лячэннем); аптэка; харчаблок; цэнтральнае стэрылізацыйнае аддзяленне (ЦСА); адміністрацыя; клініка-дыягнастычная лабараторыя; дыягнастычныя кабінеты (фізіятэрапеўтычны, отарыналарынгалагічны, функцыянальнай дыягностыкі, ультрагукавай дыягностыкі, спіраграфічны, эндаскапічны, стаматалагічны, рэнтгеналагічны).

Бальніца размешчана ў тыпавых лячэбных карпусах 1961–1973 гг. пабудовы. Лячэбны корпус № 1 – трохпавярховы будынак, у якім знаходзяцца 2 аддзяленні для хворых, якія аформлены на прымусовае лячэнне, і псіхатуберкулёзнае аддзяленне. Лячэбны корпус № 2 – пяціпавярховы будынак, на першым паверсе знаходзіцца дыягнастычнае аддзяленне, на чатырох паверхах – фтызіятрычныя аддзяленні. З 1 сакавіка 2012 года ўстанова аховы здароўя функцыянуе як бальніца для лячэння хворых з множнай лекавай устойлівасцю.

У 2012 годзе з дапамогай міжнароднага дабрачыннага аб'яднання «Сафія» было набыта 340 новых ложкаў з матрацамі, на кухні ўстаноўлены новая шафа для смажання, блінніца і электрапатэльня.

У 2012 годзе пачаўся капітальны рамонт пяціпавярховага корпуса, быў усталяваны новы ліфт.

Па стане на 2016 год сярэдняспісачная колькасць пацыентаў – 260–270 чалавек.

Па стане на 2019 года галоўны ўрач – Наталля Уладзіміраўна Лясная, якая працуе ва ўстанове з 1982 года.

УАЗ «Багушэўская абласная туберкулёзная бальніца» – бюджэтная ўстанова, якая фінансуецца за кошт сродкаў абласнога бюджэту.

Адрас: Віцебская вобласць, г. п. Багушэўск, вуліца Калгасная, д. 52.

 

Першы корпус УАЗ «Багушэўская абласная туберкулёзная бальніца». Сенненскі раён, г. п. Багушэўск. Фотаздымак з сайта https://news.tut.byГалоўны ўрач УАЗ «Багушэўская абласная туберкулёзная бальніца» Н. У. Лясная. Сенненскі раён, г. п. Багушэўск. Фотаздымак з сайта http://botb.by/index.php

ЛІТАРАТУРА

1. Бондаревич, О. Быть всегда на передовой / О. Бондаревич // Голас Сенненшчыны. – 2009. – 24 лістап. – С. 2.

2. Быньков, А. Такая нелегкая болезнь легких, но ей ставят заслон работники Богушевской областной туберкулезной больницы / А. Быньков // Витебские вести. – 2015. – 21 мая. – С. 1.

3. Голесник, С. Палочку Коха берут в оборот / С. Голесник // Советская Белоруссия. – 2013. – 4 янв. – С. 11.

4. Голесник, С. Фактор страха / С. Голесник // Советская Белоруссия. – 2007. – 19 июня. – С. 8.

5. Іванова, Л. Крокі жыцця Івана Міхалькова / Л. Іванова // Голас Сенненшчыны. – 2004. – 7 снеж. – С. 2–3.

6. Конон, М. И труд тоже лечит / М. Конон // Віцьбічы = Витьбичи. – 1996. – 22 чэрв. – С. 2.

7. Сыроваткин, В. Жизнь для людей / В. Сыроваткин // Голас Сенненшчыны. – 2018. – 8 мая. – С. 1, 4.

8. Шевченко, Н. Больница особого назначения / Н. Шевченко // Віцебскі рабочы. – 2001. – 3 лістап. – С. 2.