Глыбоцкая цэнтральная раённая бальніца, УАЗ. Глыбоцкі раён, г. Глыбокае
- Подробности
- Створана 03.10.2019 08:40
- Адноўлена 03.10.2019 10:12
| Афіцыйная назва | Глыбоцкая цэнтральная раённая бальніца |
| Тып | установа аховы здароўя |
| Дата заснавання | 1944 |
| Месца знаходжання | Віцебская вобласць, Глыбоцкі раён, г. Глыбокае |
| Афіцыйны сайт | http://crb-glubokoe.by/ |
Гісторыя Глыбоцкай цэнтральнай раённай бальніцы пачалася ў 1944 годзе, калі Глыбоцкі раён быў вызвалены ад нямецка-фашысцкіх захопнікаў войскамі 1-га Прыбалтыйскага фронту.
Першачарговай увагі патрабавала арганізацыя медыцынскага абслугоўвання насельніцтва. Пры адступленні немцамі былі вывезены ўсе медыкаменты і медыцынскія інструменты. Істотную дапамогу ў забеспячэнні ўсім неабходным Глыбоцкай райбальніцы аказалі ваенныя шпіталі.
Медыцынскія работнікі пры дапамозе грамадскасці аднавілі лячэбна-прафілактычныя ўстановы і правялі вялікую работу па ліквідацыі масавых эпідэмічных захворванняў, занесеных і распаўсюджаных акупантамі сярод насельніцтва.
На дадзеным этапе ўстанова аховы здароўя «Глыбоцкая цэнтральная раённая бальніца» з'яўляецца шматпрофільнай стацыянарнай установай па аказанні своечасовай кваліфікаванай медыцынскай дапамогi грамадзянам Рэспублiкi Беларусь і грамадзянам іншых дзяржаў на ўмовах, вызначаных дзеючым заканадаўствам Рэспублікі Беларусь.
Раённая бальніца мае стацыянар на 181 койку. Разлічана на 300 наведванняў у змену. Працуюць дапаможныя падраздзяленні: бухгалтэрыя, планава-эканамічны аддзел, гаспадарчая служба. Прыпісныя ФАПЫ: Абрубскі, Вярхнянскі, Запрудскі, Мярэцкаўскі, Пятроўшчынскі, Шуневіцкі, Шунеўскі.
Адрас: Віцебская вобласць, Глыбоцкі раён, г. Глыбокае, вуліца Савецкая, 240 А.
|
ЛІТАРАТУРА
1. Альшэўская, В. В. Зубных спраў майстры / В. В. Альшэўская ; гутарыла Г. Сутула // Веснік Глыбоччыны. – 2018. – 10 лют. – С. 1, 4.
2. Панкрат, А. После ремонта – благоустройство / А. Панкрат // Веснік Глыбоччыны. – 2019. – 27 сак. – С. 1–2.
3. Панкрат, А. С большой буквы: медики отмечают профессиональный праздник / А. Панкрат // Веснік Глыбоччыны. – 2018. – 16 чэрв. – С. 1–2.
4. Сутула, Г. Здаровы чалавек – багатая краіна / Г. Сутула // Веснiк Глыбоччыны. – 2008. – 15 сак. – С. 7.
5. Сутула, Г. Спецыялізаваную медыцынскую дапамогу – кожнаму жыхару сельскай глыбінкі / Г. Сутула // Веснік Глыбоччыны. – 2018. – 16 чэрв. – С. 3.
6. Тропин, А. Больница «нового формата» / А. Тропин // Медицинский вестник. – 2006. – 14 сент. – С. 5.
