Расонская цэнтральная раённая бальніца, УАЗ. Расонскі раён, г. п. Расоны

Подробности

Створана 31.03.2020 08:40

Адноўлена 31.03.2020 16:18

Упершыню раённая бальніца адкрыла свае дзверы для наведвальнікаў у 1929 годзе.

У 1929 годзе насельніцтва Расонскага раёна складала 44900 чалавек.

У 1928–1930 гг. фельчар Расонскага медпункта – Бронскі Іван Пракопавіч. У 1932 годзе адбылася рэарганізацыя медыцынскага пункта ў раённую бальніцу (пабудаваны будынак бальніцы).

У 1935 годзе бальніца імя Кірава атрымала амбулаторыю. У структуру медыцынскай ўстановы ўваходзіла бальніца на 40 ложкаў, раённая сельская амбулаторыя, дзіцяча-жаночая кансультацыя (1936), тры ФАПы, калгасны радзільны дом (в. Булыніна), сельскія дзіцячыя яслі на 20 чалавек.

Пасля вызвалення раёна ад нямецка-фашысцкіх захопнікаў 13 ліпеня 1944 года раённая бальніца пераехала ў г. п. Расоны (48 медработнікаў, 117 дзяцей у дзіцячым доме, 86 хворых). У 1948 годзе пры бальніцы пачаў працаваць пункт хуткай дапамогі, была адкрыта дзіцяча-жаночая кансультацыя.

У 1961 годзе быў адкрыты новы будынак бальніцы (стацыянар на 57 ложкаў, які быў пашыраны да 125 ложкаў). Была пабудавана паліклініка на 100 наведванняў у змену. У 1965 годзе быў пабудаваны новы корпус бальніцы – інфекцыйнае аддзяленне. У 1961 годзе адкрылася малочная кухня.

У 1980 годзе інфекцыйнае аддзяленне бальніцы было закрыта, стала тэрапеўтычным. У 1981 годзе для хуткай дапамогі былі закуплены адна базавая і пяць мабільных радыёстанцый.

У 2006 годзе было закрыта радзільнае аддзяленне. На яго базе пасля капітальнай рэканструкцыі сталі працаваць аддзяленне рэанімацыі і аперацыйны блок.

У 2006 годзе Расонскае РТМА было перайменавана ў УАЗ «Расонская цэнтральная раённая бальніца».

Па стане на 2020 год Расонская цэнтральная раённая бальніца – сучасная шматпрофільная лячэбна-прафілактычная ўстанова, разлічаная на 84 кругласутачныя ложкі.

Структура Расонскай цэнтральнай раённай бальніцы: адміністрацыйна-кіраўнічы персанал, цэнтралізаваная бухгалтэрыя, гаспадарча-абслуговы персанал, паліклініка (агульнапаліклінічны персанал, жаночая кансультацыя, дзіцячая кансультацыя, тэрапеўтычная служба, хірургічная служба, стаматалагічнае падраздзяленне, дзённы стацыянар, стацыянар на даму, зубапратэзнае аддзяленне), стацыянар (агульнабальнічны персанал, прыёмнае аддзяленне, акушэрска-гінекалагічнае аддзяленне, тэрапеўтычнае аддзяленне, хірургічнае аддзяленне, інфекцыйнае аддзяленне, педыятрычнае аддзяленне, аддзяленне анестэзіялогіі і рэанімацыі, аддзяленне хуткай дапамогі і неадкладнай медыцынскай дапамогі, дапаможныя лячэбна-дыягнастычныя аддзяленні (клініка-дыягнастычная лабараторыя, аддзяленне медыцынскай рэабілітацыі і фізіятэрапіі, аддзяленне клінічнай дыягностыкі, кабінет рэнтгенафлюраграфічнай дыягностыкі, кабінет ультрагукавой дыягностыкі, кабінет эндаскапіі), гараж, харчаблок.

Штатная колькасць ўстановы аховы здароўя раёна складае 230 чалавек. З іх 20 урачоў, 115 – сярэднія медыцынскія работнікі, 54 – малодшыя медыцынскія работнікі.

Матэрыяльная база папоўнілася аўтамабілем Volkswagen Crafter, набылі новыя гінекалагічныя крэслы, прыборы для афтальмалагічнага кабінета, ЭКГ-апарат. Быў устаноўлены новы рэнтгеналагічны апарат «Пульмаскан».

Рэканструкцыя ўстановы аховы здароўя была пачата ў 2010 годзе. Былі адрамантаваны дзіцячае і хірургічнае аддзяленні, рэанімацыя, дах галоўнага корпуса і інш.

У 2012 годзе адбылося ўрачыстае адкрыццё адноўленага дзіцячага аддзялення на 9 ложкаў. У палатах з'явілася камфортная мэбля, жалюзі, тэлевізары. Кожная з 6 палат мае свой колер: пяшчотная зеляніна, фіялетавы, сонечны, марскі. Прасторная працэдурная, ардынатарская, пакой для сярэдняга і малодшага медыцынскага персаналу, гульнявая з ВК-тэлевізарам і DVD-прайгравальнікам. Ёсць асобная палата для маці з нованароджанымі і платная палата для дзяцей, якія будуць знаходзіцца на лячэнні ў суправаджэнні аднаго з бацькоў. У кожным памяшканні былі заменены вокны, падлогі, дзверы, сантэхніка.

Інфекцыйнае аддзяленне бальніцы ўведзена ў эксплуатацыю 7 лістапада 2015 года пасля капітальнага рамонту і мадэрнізацыі. Працоўныя калектывы сабралі сродкі, заробленыя на раённым суботніку. На гэтыя грошы былі набыты неабходныя матэрыялы, мэбля і іншыя рэчы. З адкрыццём адноўленага інфекцыйнага аддзялення Расонская ЦРБ можа аказваць увесь спектр якаснай медыцынскай дапамогі першаснага ўзроўню.

У верасні 2017 года быў адкрыты новы рэнтгенкабінет. Рамонтныя работы і мадэрнізацыя бальніцы працягваюцца.

На тэрыторыі бальніцы была пабудавана капліца ў гонар іконы Маці Божай «Ацаляльніца».

Галоўны ўрач – Мамась Аляксандр Мікалаевіч.

Адрас: Віцебская вобласць, Расонскі раён, г. п. Расоны, вуліца Камсамольская, д. 19.

ЛІТАРАТУРА

1. Алексеева, М. Все для успешного лечения / М. Алексеева // Віцьбічы = Витьбичи. – 2015. – 10 окт. – С. 1.

2. Алексеева, М. Новое оборудование – новые возможности / М. Алексеева, Е. Кириллова // Голас Расоншчыны. – 2017. – 23 верас. – С. 2.

3. Бородулькина, А. Отличник здравоохранения / А. Бородулькина // Голас Расоншчыны. – 2016. – 13 лют. – С. 6.

4. Захаров, А. Дневник доктора Пуртова / А. Захаров // Сельская газета. – 2019. – 16 мая. – С. 6.

5. Лебедзева, В. Галоўны арыенцір – павышэнне якасці жыцця людзей / В. Лебедзева // Голас Расоншчыны. – 2011. – 17 чэрв. – С. 1–2.

6. Лебедева, О. Комфорт с лечебным эффектом / О. Лебедева // Віцебскі рабочы. – 2012. – 1 марта. – С. 15.

7. Лебедева, О. Лучшее отделение больницы – для маленьких пациентов / О. Лебедева // Голас Расоншчыны. – 2012. – 28 лют. – С. 1–2.

8. Россонская центральная районная больница // С милосердием в сердце: история здравоохранения Россонского района Витебской области / А. Пуртов. – Витебск : Витебская областная типография, 2015. – С. 91–124.

СПАСЫЛКІ

 В Россонах открыто инфекционное отделение центральной районной больницы

 Афіцыйная старонка аддзела аховы здароўя Расонскага райвыканкама

 В нашей работе востребованы лучшие профессиональные и человеческие качества

 В Россонах открыли рентгенкабинет