Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Дом рамёстваў, ДУК. Мёрскі раён, г. Дзісна

 

Сучасная назва  Дзісненскі гарадскі Дом рамёстваў
Тып  дзяржаўная ўстанова культуры
Дата заснавання  2006
Месца знаходжання   Віцебская вобласць, Мёрскі раён, г. Дзісна

 

Дзісненскі гарадскі Дом рамёстваў быў адкрыты ў 2006 годзе ў будынку, які з'яўляецца помнікам архітэктуры. Ён быў пабудаваны ў 1895 годзе. У 1911 годзе тут выступала 1-я прафесійная беларуская тэатральная трупа І. Буйніцкага; пасля Вялікай Айчыннай вайны ў ім размяшчаўся гарадскі Дом культуры. Агульная плошча памяшканняў – 1433 м2, у тым ліку 344,1 м2 – кабінеты для заняткаў у гуртках, выставачныя і глядзельныя залы. Працуюць гурткі: вышыўка, вязанне, ласкутнае шыццё, народная і гліняная цацка, саломапляценне, вырабы са скуры.

Супрацоўнікі Дома рамёстваў арганізоўваюць экспедыцыі па зборы этнаграфічнага матэрыялу, які выкарыстоўваецца для афармлення залаў у стылі «рэтра», правядзення выстаў. Імі вядзецца распрацоўка касцюмаў дзісненскага строю.

Штогод майстры Дома рамёстваў удзельнічаюць у святочных мерапрыемствах у Полацку, Наваполацку, Расонах, Мёрах, свяце народнай творчасці «Перабродская зорка», раённых выставах у рамках аглядаў-конкурсаў калектываў мастацкай самадзейнасці Усебеларускага фестывалю народнага мастацтва «Беларусь – мая песня»; выставах-кірмашах «Горад майстроў» на рэспубліканскім фестывалі-кірмашы «Дажынкі», фестывалях «Славянскі базар у Віцебску» і «Звіняць цымбалы і гармонік» у Паставах, на свяце песні і музыкі «Дняпроўскія галасы ў Дуброўна» і інш.

Дырэктар – Ганебная Людміла Вікенцьеўна.

Адрас: Віцебская вобласць, Мёрскі раён, г. Дзісна, вуліца Першамайская, 2а.

 

ДУК «Дзісненскі гарадскі Дом рамёстваў». Мёрскі раён. г. Дзісна. Фота з сайта http://venividi.ru

ЛІТАРАТУРА

1. Басікірская, А. Як важна да прафесіі душою прырасці / А. Басікірская // Міёрскія навіны. – 2015. – 19 верас. – С. 8.

2. Матэленак, Л. Дом рамёстваў дома не заседжваецца / Л. Матэленак // Міёрскія навіны. – 2019. – 29 чэрв. – С. 4.

3. Паўночныя ўборы // Звязда. – 2016. – 24 лістап. – С. 1.

4. Рынкевіч, К. Да народных рамёстваў цікавасць не сціхае / К. Рынкевіч // Міёрскія навіны. – 2020. – 14 ліп. – С. 8.

5. Рынкевіч, К. Журавель кату таварыш / К. Рынкевіч // Міёрскія навіны. – 2016. – 17 верас. – С. 5.

6. Рынкевіч, К. Лялька з двума імёнамі / К. Рынкевіч // Міёрскія навіны. – 2018. – 30 чэрв. – С. 5.

7. Рынкевіч, К. На подыуме мода з мінулага / К. Рынкевіч // Міёрскія навіны. – 2018. – 21 ліп. – С. 5.

8. Шпакоўская, Г. У чым хварсілі дзіснянкі / Г. Шпакоўская // Витебские вести. – 2016. – 14 апр. – С. 23.