Ігнатава Марыя Якаўлеўна нарадзілася 25 верасня 1930 года ў в. Палавінкі Лёзненскага раёна.

Працоўную дзейнасць пачала ў 1945 годзе ў калгасе імя Сталіна. З 1956 года працавала на жывёлагадоўчай ферме саўгаса «Крынкі» Лёзненскага раёна, у 1957–1968 гг. – на племзаводзе «Крынкі». Па яе ініцыятыве былі арганізаваны спаборніцтвы свінаводаў за высокія паказчыкі.

За самаадданую працу і высокія паказчыкі ў вытворчасці свініны Указам Прэзідыума Вярхоўнага Савета СССР Ігнатавай М. Я. у 1960 годзе было прысвоена званне «Герой Сацыялістычнай Працы».

У 1968–1987 гг. працавала ў Крынкаўскім аддзяленні сувязі. Дэпутат Вярхоўнага Савета БССР 5-га склікання (1959–1963 гг.).

Узнагароджана ордэнам Леніна.

Памерла Марыя Якаўлеўна 17 ліпеня 2001 года. На Алеі Славы ў г. п. Лёзна знаходзіцца стэла ў гонар М. Я. Ігнатавай.

ЛІТАРАТУРА

1. Баравы, Ф. Дарога, даўжынёй у жыццё / Ф. Баравы // Сцяг Перамогі (Лёзна). – 1982. – 1 мая. – С. 2.

2. Барэйка, П. Крылатая мара / П. Барэйка, У. Надзепены // Віцебскі рабочы. – 1960. – 8 сак. – С. 2.

3. Ігнатава Марыя Якаўлеўна // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1992. – С. 568–569.

4. Ігнатава, М. Пераступіўшы парог новага года / М. Ігнатава // Звязда. – 1960. – 26 студз. – С. 2.

5. Игнатова Мария Яковлевна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 461.

6. Игнатова Мария Яковлевна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 241.

7. Игнатова Мария Яковлевна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 103.

8. Курбацкий, Ф. Дорога длиною в жизнь / Ф. Курбацкий // Знаменосцы трудовой славы / сост.: Г. С. Гужва [и др.] ; рец. Б. В. Стрельцов. – Минск : Беларусь, 1984. – С. 120–126.

9. Недосолова, А. Школа героини / А. Недосолова // Советская Белоруссия. – 1960. – 13 марта. – С. 2.