Шалупкіна Марыя Іванаўна нарадзілася 15 ліпеня 1913 года ў в. Бржэзава Лёзненскага раёна.

З 1943 года працавала паляводам, жывёлаводам, звеннявой па вырошчванні лёну, у 1958–1970 гг. – брыгадзір комплекснай брыгады калгаса «Новае жыццё» Лёзненскага раёна.

М. І. Шалупкіна з'яўлялася ініцыятарам ўкаранення навукова абгрунтаванай сістэмы ўгнаення палёў, сартавога насенняводства і высокай культуры земляробства.

За поспехі ў павелічэнні вытворчасці ільнопрадукцыі і ўкараненне перадавой тэхналогіі вырошчвання сельскагаспадарчых культур Указам Прэзідыума Вярхоўнага Савета СССР Шалупкінай М. І. у 1966 годзе было прысвоена званне «Герой Сацыялістычнай Працы».

Памерла Марыя Іванаўна 10 лістапада 1996 года.

Узнагароджана ордэнам Леніна, медалямі. На Алеі Славы ў г. п. Лёзна знаходзіцца стэла ў гонар М. І. Шалупкінай.

ЛІТАРАТУРА

1. Хазанский, В. Талант вожака / В. Хазанский // Знаменосцы трудовой славы / сост.: Г. С. Гужва [и др.] ; рец. Б. В. Стрельцов. – Минск : Беларусь, 1984. – С. 326–329.

2. Шалупкина Марина Ивановна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2011. – Т. 2 : Витебская область : в 2 кн. – Кн. 2. – С. 598.

3. Шалупкина Мария Ивановна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 317.

4. Шалупкина Мария Ивановна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 235.

5. Шалупкіна Марына Іванаўна // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1992. – С. 569.