Чарапнёў Сяргей Міхайлавіч нарадзіўся 1 верасня 1918 года ў в. Шніткі Лёзненскага раёна ў сялянскай сям'і.

У Савецкай Арміі з 1938 года. У 1940 годзе скончыў Мелітопальскае ваеннае авіяцыйнае вучылішча штурманаў.

У гады Вялікай Айчыннай вайны на фронт трапіў у 1941 годзе. У 1941–1943 гг. гвардыі капітан С. М. Чарапнёў зрабіў 237 баявых вылетаў і 94 вылеты для забеспячэння савецкіх войск боепрыпасамі і палівам. Экіпаж бамбардзіроўшчыка скінуў на аб'екты праціўніка больш за 260 тон бомбаў, разбурыў 4 варожыя пераправы, 2 чыгуначныя вузлы, знішчыў 5 самалётаў, 11 танкаў, 37 аўтамашын праціўніка.

Званне Героя Савецкага Саюза С. М. Чарапнёву было прысвоена 18 верасня 1943 года. Таксама ён узнагароджаны 2 ордэнамі Леніна, ордэнам Чырвонай Зоркі, Айчыннай вайны I ступені.

Загінуў Сяргей Міхайлавіч 14 чэрвеня 1944 года пры выкананні баявога задання ў раёне польскага горада Дэмблін.

У в. Высачаны імем Героя названа школа, у якой ён вучыўся. На школе размешчана мемарыяльная дошка. На Алеі Славы ў г. п. Лёзна знаходзіцца стэла ў гонар С. М. Чарапнёва.

ЛІТАРАТУРА

1. Салаўёў, М. З задання не вярнуўся / М. Салаўёў // Сцяг Перамогі (Лёзна). – 1983. – 13 снеж. – С. 2.

2. Фёдараў, В. Вышыня мужнасці / В. Фёдараў // Сцяг Перамогі (Лёзна). – 1979. – 7 чэрв. – С. 3.

3. Фёдараў, В. З партбілетам ля сэрца / В. Фёдараў // Віцебскі рабочы. – 1980. – 12 лют. – С. 3.

4. Черепнёв Сергей Михайлович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭН, 2011. – Т. 2 : Витебская область : в 2 кн. – Кн. 2. – С. 587.

5. Черепнев Сергей Михайлович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 143.

6. Черепнев Сергей Михайлович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 146.