Ерашоў Іван Міхайлавіч нарадзіўся 26 верасня 1911 года ў г. Лепель у шматдзетнай сям'і, дзе было сямёра дзяцей. Двое яго братоў, Мікалай і Міхаіл, таксама сталі лётчыкамі.

Закончыў сем класаў сярэдняй школы.

З 1933 года з'яўляецца членам КПСС.

Пасля вучобы ў Лепельскім педтэхнікуме працаваў настаўнікам у Полацку.

У Чырвонай Арміі з 1933 года.

У 1933 годзе паступіў у Сталінградскае ваенна-авіяцыйнае вучылішча, пасля заканчэння (1936) застаўся пры вучылішчы інструктарам. Затым быў назначаны начальнікам вучэбна-лётнага аддзела.

У 1943 годзе скончыў Ваенна-паветраную акадэмію.

На франтах Вялікай Айчыннай вайны з мая 1943 года, маёр, камандзір штурмавога авіяпалка.

Удзельнік Курскай бітвы, вызвалення Украіны.

З 5 ліпеня па 8 жніўня 1943 года група штурмавікоў пад камандаваннем I. М. Ерашова знішчыла і пашкодзіла 150 варожых аўтамашын, 15 танкаў, 5 батарэй палявой артылерыі, 4 эшалоны, 40 самалётаў на аэрадромах, збіла 10 самалётаў, 4 з іх – асабіста I. М. Ерашоў.

Да снежня 1943 года зрабіў 94 баявыя вылеты. У адным з баёў быў збіты, паранены трапіў у палон, уцёк. Тры месяцы дабіраўся з варожага тылу да лініі фронту. Пасля ампутацыі ступні застаўся ў авіяцыі, лятаў з пратэзам на баявыя заданні.

4 лютага 1944 года Ерашову прысвоена званне Героя Савецкага Саюза.

Да 1947 года ў Савецкай Арміі.

Узнагароджаны ордэнам Леніна, двума ордэнамі Чырвонага Сцяга, ордэнам Аляксандра Неўскага, медалямі.

Памёр 8 мая 1948 года.

Пахаваны ў горадзе Новачаркаск Растоўскай вобласці.

Імя І. М. Ерашова прысвоена сярэдняй школе № 2 горада Лепеля (зараз ДУА «Гімназія імя І. М. Ерашова г. Лепеля»).

ЛІТАРАТУРА

1. Вінаградаў, А. Адважны сокал / А. Вінаградаў // Ленінскі сцяг (Лепель). – 1978. – 23 лют. – С. 2.

2. Вуліцы носяць імёны славутых землякоў / падрыхт. А. Марціновіч // Лепельскі край. – 2018. – 10 жн. – С. 2.

3. Гарбачоў, М. Жорсткія паветраныя схваткі / М. Гарбачоў // Лепельскі край. – 2016. – 17 мая. – С. 4.

4. Гарбачоў, М. Падарунак роднаму гораду / М. Гарбачоў // Лепельскі край. – 2016. – 20 мая. – С. 4.

5. Героі-землякі // Лепельскі край. – 2009. – 11 верас. – С. 3.

6. Ерашов Иван Михайлович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1984. – С. 162.

7. Ерашов Иван Михайлович // Навечно в сердце народном: к 30-летию победы над фашистской Германией / редкол.: П. У. Бровка [и др.]. – Минск : БелСЭ, 1975. – С. 130–131.

8. Ерашов Иван Михайлович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 421.

9. Ерашов Иван Михайлович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 3 : Герасименко–Картель. – С. 503.

10. Ерашов Иван Михайлович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 43.

11. Ерашов Иван Михайлович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 49.

12. Ерашоў Іван Міхайлавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 6 : Дадаізм–Застава. – С. 393.

13. Ланікіна, В. Я. Адважны сокал / В. Я. Ланікіна // Памяць: Лепельскі раён : гісторыка-дакументальныя хронікі гарадоў і раёнаў Беларусі / рэдкал.: Л. В. Ланікіна [і інш.] ; уклад.: В. Я. Ланікіна, А. У. Стэльмах ; мастак Э. Э. Жакевіч. – Мінск : Беларусь, 1999. – С. 374–375.

14. Міхно, У. «Гэта трэба жывым...» / У. Міхно // Лепельскі край. – 2013. – 22 лют. – С. 4.

15. Осовская, Е. На скрижалях истории / Е. Осовская // Лепельскі край. – 2013. – 13 верас. – С. 2.

16. Радзіма Ерашова Івана Мікалаевіча // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 274–275.

17. Хаванскі, В. Камандзір штурмавога палка / В. Хаванскі // Лепельскі край. – 2010. – 23 лют. – С. 4.

18. Хаванскі, В. Смелы сокал / В. Хаванскі // Ленінскі сцяг (Лепель). – 1981. – 21 лют. – С. 3.

19. Шлег, Т. «Яны прайшлі па той вайне...» / Т. Шлег // Лепельскі край. – 2012. – 18 мая. – С. 7.