Гарноў Цімафей Якаўлевіч нарадзіўся ў 1916 годзе ў в. Асіпова Лёзненскага раёна ў сялянскай сям'і.

У Чырвоную Армію Цімафей Гарноў быў прызваны ў 1941 годзе. На франтах Вялікай Айчыннай вайны – з сакавіка 1942 года (на Паўночна-Заходнім і 3-м Беларускім франтах). Член ВКП(б) з 1942 года.

Асабліва вызначыўся падчас Каўнаскай наступальнай аперацыі на тэрыторыі Літвы: камандзір гарматы 597-га артылерыйскага палка старшы сяржант Цімафей Гарноў пры прарыве абароны праціўніка каля вёскі Потамулыне 29 ліпеня 1944 года знішчыў назіральны пункт і 5 кулямётаў праціўніка. За перыяд баёў з 7 па 17 жніўня 1944 года яго разлік знішчыў 3 танкі, штурмавыя гарматы і вялікую колькасць гітлераўцаў. 17 жніўня Цімафей Гарноў у ліку першых выйшаў на Дзяржаўную мяжу СССР з Усходняй Прусіяй.

Цімафей Якаўлевіч загінуў у баі 23 кастрычніка 1944 года. Пахаваны ў брацкай магіле ў с. Бабушкіна Калінінградскай вобласці. На гэтым месцы ў 1975 годзе быў усталяваны мемарыяльны комплекс.

Узнагароджаны ордэнамі Леніна, Чырвонай Зоркі, медалямі «За баявыя заслугі», «За абарону Масквы» і інш.

Званне Героя Савецкага Саюза было прысвоена 24 сакавіка 1945 года пасмяротна. На Алеі Славы ў г. п. Лёзна знаходзіцца стэла ў гонар Героя.

ЛІТАРАТУРА

1. Барысаў, У. Граза варожых танкаў / У. Барысаў // Віцебскі рабочы. – 1973. – 4 ліп. – С. 2.

2. Горнов Тимофей Яковлевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭН, 2010. – Т. 2 : Витебская область : в 2 кн. – Кн. 1. – С. 328.

3. Горнов Тимофей Яковлевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 35.

4. Горнов Тимофей Яковлевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 40.

5. Іваноў, Я. Навечна ў сэрцы народным / Я. Іваноў // Віцебскі рабочы. – 1978. – 9 верас.– С. 4.

6. Курбацкі, Ф. Да апошняга дыхання / Ф. Курбацкі // Віцебскі рабочы. – 1979. – 18 лістап. – С. 3.

7. Фурман, Г. Добрых рэйсаў «Цімафей Гарноў» / Г. Фурман // Літаратура і мастацтва. – 1974. – 27 снеж. – С. 14.