Мацкевіч Ігнацій Вікенцьевіч нарадзіўся 28 мая 1912 года ў в. Заольша Лёзненскага раёна.

Жыў і працаваў у Ленінградзе. У Чырвоную Армію І. Мацкевіч быў прызваны ў 1934 годзе. Службу праходзіў да 1936 года. У баявых дзеяннях на франтах Вялікай Айчыннай вайны Ігнацій Вікенцьевіч прымаў удзел з красавіка 1942 года. У 1943 годзе скончыў Уладзівастоцкае ваеннае пяхотнае вучылішча.

Камандзір роты 109-га стралковага палка (74-я стралковая дывізія, 13 армія, Цэнтральны фронт) лейтэнант Мацкевіч адным з першых 22 верасня 1943 года пераадолеў р. Днепр у раёне в. Калыбань (Брагінскі раён Гомельскай вобласці). Замацаваўшыся на правым беразе, 4 дні адбіваў з ротай контратакі праціўніка, чым садзейнічаў пераправе падраздзяленняў батальёна. Асабіста падбіў 2 танкі. Быў двойчы паранены.

Ігнацій Вікенцьевіч загінуў у баі 26 верасня 1943 года. Пахаваны ў в. Абалонне Каропскага раёна Чарнігаўскай вобласці.

Званне Героя Савецкага Саюза І. В. Мацкевічу было прысвоена 16 кастрычніка 1943 года пасмяротна. Таксама Ігнацій Вікенцьевіч узнагароджаны ордэнам Леніна, Айчыннай вайны I ступені.

На Алеі Славы ў г. п. Лёзна знаходзіцца стэла ў гонар Героя.

ЛІТАРАТУРА

1. Даніленка, В. «Герояў подзвігі бессмяротныя» / В. Даніленка // Сцяг Перамогі (Лёзна). – 1978. – 1 ліп. – С. 2.

2. Мацкевич Игнатий Викентьевич // Неман. – 1967. – № 8. – С. 19.

3. Мацкевич Игнатий Викентьевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2011. – Т. 2 : Витебская область : в 2 кн. – Кн. 2. – С. 110–111.

4. Мацкевич Игнатий Викентьевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 92.

5. Мацкевич Игнатий Викентьевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 94.

6. Пахолкіна, Л. Крок у бессмяротнасць / Л. Пахолкіна // Віцебскі рабочы. – 1981. – 22 кастр. – С. 4.

7. Ульянова, А. Мацкевич Игнатий Викентьевич (1912–1943 гг.) / А. Ульянова // Сцяг Перамогi (Лёзна). – 2007. – 27 кастр.– С. 2.