Пашкевіч Сцяпан Апанасавіч нарадзіўся 27 сакавіка 1921 года ў Полацку ў сям'і цесляра.

Скончыў 8 класаў. Працаваў з 12-гадовага ўзросту: цясляр, працоўны арцелі «Чырвоны возчык», вучань каваля, каваль.

У верасні 1940 года быў прызваны на тэрміновую службу ў Чырвоную Армію, служыў у інжынерна-пантонных вайсках Адэскай ваеннай акругі (горад Сарокі Малдаўскай ССР).

На франтах Вялікай Айчыннай вайны чырвонаармеец Пашкевіч С. А. з чэрвеня 1941 года. Ваяваў на Паўднёвым, Паўднёва-Заходнім, Сталінградскім, Данскім, 2-м Украінскім франтах. Удзельнік абарончых бітваў у Малдавіі, на поўдні Украіны і ў Данбасе летам-восенню 1941 года, абарончых бітваў летам-восенню 1942 года на Доне, Сталінградскай бітвы, Курскай бітвы, Белгародскай-Харкаўскай наступальнай аперацыі, бітвы за Днепр, Яска-Кішынёўскай, Бухарэсцка-Арадскай і іншых наступальных аперацый. Быў паранены. У 1943–1991 гг. – член ВКП(б) / КПСС.

За ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым адвагу і гераізм Указам Прэзідыума Вярхоўнага Савета ад 24 сакавіка 1945 года сяржанту Пашкевічу Сцяпану Апанасавічу прысвоена званне Героя Савецкага Саюза з уручэннем ордэна Леніна і медаля «Залатая Зорка».

Працягваў змагацца да Перамогі, прыняў удзел у Венскай і Браціслаўска-Брноўскай аперацыях 1945 года. Удзельнік парада Перамогі 24 чэрвеня 1945 года ў Маскве. У снежні 1945 года сяржант С. А. Пашкевіч дэмабілізаваны.

Жыў у Полацку. З 1946 года – дырэктар прамкамбіната, затым старшыня райспажыўсаюза. З 1952 года – дырэктар Шаркаўшчынскага аддзялення прадпрыемства «Віцебскаблнарыхтлёнпрам», затым дырэктар Сіроцінскага льнозавода. З 1963 года – слесар завода «Шкловалакно» ў Полацку. З 1991 года – на пенсіі.

Узнагароджаны ордэнам Леніна, Кастрычніцкай Рэвалюцыі, Айчыннай вайны 1-й і 2-й ступеняў, а таксама ордэнам «За службу Радзіме», медалямі, у тым ліку «За адвагу» і «За баявыя заслугі». Таксама атрымаў ордэн і медалі за доблесную працу. Ганаровы грамадзянін горада Полацка. Ганаровы салдат 9-га асобнага міліцэйскага спецыяльнага батальёна ўнутраных войск МУС Рэспублікі Беларусь.

Памёр Сцяпан Апанасавіч 7 сакавіка 2014 года.

ЛІТАРАТУРА

1. Алдохина, М. Пример мужества и героизма / М. Алдохина // Трудовая смена (Полоцк). – 2013. – 23 марта. – С. 1.

2. Алдохина, М. С. А. Пашкевич: «За все хорошее!» / М. Алдохина // Трудовая смена (Полоцк). – 2007. – 5 мая. – С. 2.

3. Гальперович, Н. Минер из Полоцка : публицистика / Н. Гальперович // Нёман. – 2009. – № 1. – С. 118–120.

4. Голесник, С. Подвиг на переправе / С. Голесник // Советская Белоруссия. – 2009. – 16 апр. – С. 10.

5. Ерошенко, О. Голос целой эпохи / О. Ерошенко // Информ Плюс (Полоцк). – 2009. – 7 мая. – С. 3.

6. Каленик, Е. Жизненное кредо Степана Пашкевича / Е. Каленик // Полацкі веснік. – 2011. – 29 сак. – С. 1.

7. Каленик, Е. Поклон – Герою / Е. Каленик // Полацкi веснік. – 2004. – 30 сак. – С. 1.

8. Кандраль, И. Звезда за Дунай / И. Кандраль // На страже. – 2009. – 8 мая. – С. 11.

9. Логинова, А. Подвиг понтонера / А. Логинова // Віцебскі рабочы. – 2010. – 4 сент. – С. 6.

10. Малашеня, Л. Герой Советского Союза Степан Пашкевич: «Интересная была жизнь. Тяжелые испытания – ее часть...» / Л. Малашеня // Народнае слова. – 2013. – 8 мая. – С. 1–2.

11. Пашкевич, С. А. «Каждый был героем», – считает Герой Советского Союза Степан Пашкевич / С. А. Пашкевич ; беседовала Л. Малашеня // Народнае слова. – 2012. – 30 чэрв. – С. 2.

12. Пашкевич Степан Афанасьевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 103.

13. Пашкевич Степан Афанасьевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 108.

14. Поздравления Герою // Полацкі веснік. – 2013. – 26 сак. – С. 1.

15. Прибыщук, Р. Р. Подвиг героя / Р. Р. Прибыщук // Полацкі веснік. – 2009. – 18 снеж. – С. 4.

16. Філімонава. Т. Герой – з намі / Т. Філімонава // Полацкі веснік. – 2013. – 22 лют. – С. 4.

17. Филимонова, Т. Герою – от благодарных земляков / Т. Филимонова // Полацкі веснік. – 2015. – 12 мая. – С. 2.

18. Чарковская, С. Нашему герою / С. Чарковская // Полацкі веснік. – 2017. – 3 сак. – С. 2.

19. Человек яркой судьбы // 02 (Газета віцебскай міліцыі). – 2017. – № 5–6 (сак.). – С. 12.

20. Чесновицкая, О. Самый главный ветеран / О. Чесновицкая // Полацкі веснік. – 2010. – 12 мая. – С. 2.